Мусалмон кист?
Андешкадаи Қалам
Паёмбари Худо(с) фармуданд:
*Мусалмон касе аст, ки мусалмонон аз дасту забони ӯ дар осоиш бошанд.
* Наметавон ҳамаро ба мол розӣ кард, аммо ба ҳусни хулқ метавон.
* Нодорӣ балост, аз он бадтар бемории тан, ва аз бемории тан душвортар, бемории дил.
* Мӯъмин ҳамвора дар ҷустуҷӯи ҳикмат аст.
* Дар рафтор бо занон, аз Худо битарсед ва он чӣ дар бораи онон шояд, аз некӣ дареғ нанамоед.
* Парвардигори ҳама якест ва падари ҳама яке, ҳама фарзанди одамизод ва Одам аз хок аст.
* Аз лаҷоҷат бипарҳезед, ки ангезаи он, нодонӣ ва ҳосили он, пушаймонӣ аст.
* Бадтарини мардум касе аст, ки гуноҳро набахшад ва аз лағзиш чашм напӯшад, ва боз аз ӯ бадтар касе аст, ки мардум аз газанди ӯ дар амон ва ба некии ӯ умедвор набошанд.
* Чун туро ситойиш кунанд, бигӯ: эй Худо! Маро беҳтар аз он чӣ гумон доранд бисоз ва он чиро аз ман намедонанд, бар ман бибахш, ва маро масъули он чӣ мегӯянд, қарор мадеҳ!
* Субҳу шоме бар мӯъмин намегузарад, магар он ки бар худ гумони хато бибарад.
Қаламонлайн
qalamonline.net
