Тағйири макони ҷаласаҳои кобинаи Исроил ба далели тарс аз Эрон
Ахбори байналмилал
JNS
Манобеи исроилӣ хабар доданд, кобинаи Натонёҳу ба далоили амниятӣ маҳалли баргузории ҷаласоти худро ба ҷойе дигар интиқол додааст.
Ба гузориши пойгоҳи исроилии JNS, ин тасмим дар пайи ҳушдорҳои амниятӣ дар хусуси эҳтимоли осеб ба мақомоти исроилӣ иттихоз шудааст.
Ин расона ишора кард, ҷаласаи кобина ба “маҳалле амн” интиқол ёфта, ки дар дафтари пешини кобина ё дар мақарри Вазорати дифоъ нест.
Бар асоси ин гузориш, ин ҷаласа барои нахустин бор бидуни ҳузури мушовирон ва танҳо бо ҳузури вузарои кобина баргузор хоҳад шуд.
Режими саҳюнистӣ бомдоди шанбе, дар иқдоме мутаҷовизона, бархе мавозеъи низомии Ҷумҳурии Исломии Эронро мавриди ҳамла қарор дод.
Қароргоҳи падофанди ҳавоии Ҷумҳурии Исломии Эрон, саҳаргоҳи шанбе, эълом кард, режими саҳюнистӣ, дар иқдоме танишзо нуқоте аз марокизи низомӣ дар устонҳои Теҳрон, Хузистон ва Иломро мавриди ҳамла қарор дода, ки зимни раҳгирӣ ва муқобилаи муваффақи сомонаи якпорчаи падофанди ҳавоӣ бо ин иқдоми таҷовузкорона, осеби маҳдуде ба бархе нуқот ворид шудааст.
Ситоди Кулли нерӯҳои мусаллаҳи Эрон ба дунболи ин ҳамла таъкид кард, Эрон ҳаққи посухи машрӯи худ ба ин таҷовузро дар замони муқтазӣ маҳфуз медонад.
Қаламонлайн
