Баёнияи Башшор Асад дар бораи таҳаввулоти Сурия ва хуруҷаш аз кишвар
Сафҳаи Риёсати Ҷумҳурии Сурия дар Телегром, имрӯз (душанбе) баёнияе аз сӯйи Башшор Асад, раиси ҷумҳури собиқи ин кишвар мунташир кард.
Ба гузориши хабаргузории Форс
Коноли Телегроми Риёсати Ҷумҳурии Сурия бо интишори баёнияе аз сӯйи Башшор Асад, раиси ҷумҳури собиқи ин кишвар, навишт, ки пас аз чандин бор талоши номуваффақ барои интишори ин баёния аз тариқи расонаҳои арабӣ ва хориҷӣ, танҳо роҳи мавҷуд барои расондани ин паёмро коноли Риёсати Ҷумҳурӣ дар шабакаҳои иҷтимоӣ ёфтааст.
Дар оғози ин баёния омадааст: “Бо густариши теруризм дар Сурия ва вуруди он ба пойтахт, Димишқ дар шомгоҳи шанбе, 7-декабри 2024, дар миёнаи селе аз сардаргумиҳо ва ривоятҳои ба дур аз ҳақиқат, суолоте дар мавриди сарнавишт ва макони раиси ҷумҳур матраҳ шуд. Ривоёте, ки талош кард теруризми байналмилалиро инқилоби озодибахш илқо кунад.”
Вай тавзеҳ дод, ки дар ҷараёни таҳаввулоте, ки дар Сурия шоҳиди он буда, ҳатто як боре ҳам ба эҳтимоли канорагирӣ ё фирор аз кишвар фикр накарда буд.
Асад дар ин баёния таъкид кард, ки бар хилофи он чи ки шойеа шуда, вай кишварашро ба сурати барномарезишуда тарк накарда ва то сооти поёнии даргириҳо ва набардҳо дар кишвараш боқӣ мондааст.
Вай тавзеҳ дод: “Ман то сооти аввалияи субҳи рӯзи якшанбе, 8-декабр, дар Димишқ мондам ва масъулиятҳоямро пайгирӣ кардам. Аммо бо густариши теруризм ба дохили Димишқ, бо ҳамоҳангии дӯстони рус ба Лозиқия рафтам, то аз он ҷо набардро пайгирӣ кунам.”
Дар идомаи ин баёния омадааст: “Субҳ, ҳангоми вуруд ба пойгоҳи Ҳимеймим, мушаххас шуд, ки ҳамаи нерӯҳо аз тамомии хутути набард ақабнишинӣ кардаанд ва охирин мавозеи артиш суқут кардааст.”
Вай афзуд: “Бо бадтар шудани воқеияти майдонӣ дар ин минтақа ва ташдиди ҳамалоти паҳподӣ ба ин пойгоҳи низомии русӣ ва дар сояи адами имкони хуруҷ аз ин пойгоҳ ба ҳар самте, Маскав аз фармондеҳии ин пойгоҳ хост, то дар асри якшанбе, яъне дар рӯзи баъд аз суқути Димишқ ва суқути охирин пойгоҳҳои низомӣ ва ба табаи он, фалаҷ шудани соири ниҳодҳои кишвар, барои тахлияи фаврӣ ва интиқол ба Русия талош кунад.”
Асад таъкид кард, ки дар ҷараёни таҳаввулоти Сурия, ҳаргиз мавзӯи паноҳандагӣ ё канорагирӣ аз қудрат аз сӯйи вай ё ҳеч шахс ва ҳизбе матраҳ нашуд ва танҳо гузинае, ки матраҳ буд, идомаи мубориза барои дифоъ аз ҳамлаи теруристӣ буд.
Вай, ки дар Русия ба сар мебарад, идома дод, ки тарки қудрат ба ҳеч ваҷҳ ба маънои канор гузоштани тааллуқ ва гароиши миллӣ нест. Боқӣ мондан дар пости Риёсати Ҷумҳурӣ, дар ҳоле, ки кишвар ба дасти теруризм афтода ва имкони анҷоми коре дар ин пост муяссар набуда, бефоида буд.
Асад инчунин истидлол кард, ки касе, ки нерӯҳои муқовимат дар Фаластин ва Лубнонро раҳо накард ва ба муттаҳидонаш, ки дар канори ӯ истода буданд, хиёнат накард, наметавонад мардуми худро, ки ба вай тааллуқ доранд раҳо кунад ё ба ин мардум ва артишаш хиёнат кунад.
Дар ин баёния омадааст, ки вай ҳамон касест, ки аз рӯзи нахусти ҷанг, ҳеч гоҳ ҳозир нашуда наҷоти кишварашро фидои наҷоти шахсии худ кунад ё бо пешниҳодҳо ва васвасаҳои мухталиф, ба зарари мардумаш чоназанӣ кунад; вай ҳамон шахсе аст, ки дар канори афсарон ва сарбозони артиши худ дар ҷабҳаҳо истода ва танҳо чандин метр дуртар аз теруристҳо дар доғтарин ва хатарноктарин конунҳои даргирӣ мондааст. Ӯ ҳамон касе аст, ки дар сахттарин солҳои ҷанг, ҳозир ба тарки кишвараш нашуда ва дар канори хонавода ва мардуми худ барои муқобила бо теруризм зери бомбборон ва хатари ҳамлаи теруристҳо ба пойтахт дар тӯли чаҳордаҳ соли ҷанг, боқӣ мондааст.
Асад дар хотима тасреҳ кард, ки хуруҷаш аз кишвар ва тарки пости Риёсати Ҷумҳурӣ, ба ҳеч ваҷҳ ба маънои канор гузоштани тааллуқи миллии асилаш ба Сурия ва мардуми он нест; тааллуқи собите, ки бо як пост ва мансаб ё шароит тағйир намекунад; таъаллуқе, ки умед ба бозгашти Сурияи озоду мустақилро эҷод мекунад.
Қаламонлайн
