Изҳороти Исмоил Ҳаниа дар бораи оташбас
Ахбори байналмилал
Farsnews
Раиси дафтари сиёсии ҷунбиши Ҳамос, Исмоил Ҳаниа, (якшанбе, 5 май) бо ишора ба раванди эъзоми ҳайати худ ба Қоҳира барои музокира, бар ҷиддияти муқовамати Фаластин дар дастёбӣ ба тавофуқи оташбас ва табодули асирон таъкид кард.
Ба гузориши хабаргузории Форс, раиси дафтари сиёсии ҷунбиши Ҳамос дар таъйиди ҷиддият ва мусбат будани ҷунбиши Ҳамос барои дастёбӣ ба тавофуқи оташбас гуфт, ки пеш аз оғози даври кунунии музокирот ва эъзоми ҳайати Ҳамос ба Қоҳира, “як силсила тамосҳое бо бародарони миёнҷӣ ва ҷиноҳҳои муқовамат сурат гирифт ва ҷаласот ва ройзаниҳои фишурдае дар дохил ва хориҷ аз кишвар баргузор шуд”.
Вай, бо таъкид бар мавозеи мусбати Ҳамос гуфт, ки авлавияти ин ҷунбиш таваққуфи таҷовуз ба мардуми Ғазза аст ва ин як мавзеъи асосӣ ва мантиқӣ аст, ки ояндаи босуботтареро эҷод мекунад.
Ҳаниа афзуд, ки ҷаҳон дар гарави давлате ифротӣ қарор гирифта, ки дорои мушкилоти сиёсии мутааддиде аст ва муртакиби ҷиноёти зиёде дар Ғазза шудааст ва нахуствазири он мехоҳад барои идомаи таҷовуз ва густариши доманаи даргирӣ тавҷеҳоти доимӣ ибдоъ кунад ва талошҳои анҷомшудаи миёнҷигарон ва тарафҳои мухталифро хароб кунад. Аммо Омрико, ки бар рӯйи ин ишғолгарӣ сарпӯш гузошта, мебоист ҷилави ӯро бигирад ба ҷойи он ки онро ба силоҳҳои куштори ҷамъӣ таҷҳиз кунад.
Раиси дафтари сиёсии Ҳамос таъкид кард, ки ин ҷунбиш ҳамчунон муштоқи дастёбӣ ба як тавофуқи ҷомеъи дорои мароҳили пайваста ба якдигар аст, ки ба таҷовуз поён диҳад, ақибнишиниро тазмин кунад ва ба як тавофуқи ҷиддии мубодилаи асирон мунҷар шавад.
Farsnews
Қаламонлайн
Паёмҳо, хабарҳо ва таҳлилҳои моро дар Телегром пайгирӣ кунед:
