Ироқчӣ: Музокирае дар кор нест
Ахбори байналмилал
Ба гузориши Фарорӯ, Сайидаббоси Ироқчӣ, вазири хориҷаи Ҷ.И.Эрон, дар мусоҳиба бо Алҷазира гуфт:
– Он чи акнун дар ҳоли рух додан аст, музокира нест, балки табодули паёмҳо ба сурати мустақим ё аз тариқи дӯстонамон дар минтақа аст. Ман ҳамчунон монанди гузашта паёмҳоеро ба таври мустақим аз Виткофф дарёфт мекунам, аммо ин ба маънои музокира нест.
– Паёмҳо шомили ҳушдорҳо ё дидгоҳҳои мутақобил аст, ки аз тариқи дӯстон мунтақил мешавад.
– Музокира бо ҳеч ниҳоди хоссе дар Эрон сиҳҳат надорад ва паёмҳо аз тариқи Вазорати хориҷа мунтақил мешавад ва байни дастгоҳҳои амниятӣ иртибототе вуҷуд дорад.
– Табодули паёмҳо дар чорчӯби мушаххасе аз тариқи давлат ва таҳти назорати Шӯрои амнияти миллӣ анҷом мешавад.
– Ҳеч посухе ба 15 пешниҳоди Омрико надодаем ва ҳеч пешниҳод ё шарте ироа накардаем.
– Ҳанӯз тасмиме дар бораи музокирот нагирифтаем ва дар бораи онҳо мулоҳизоте дорем. Шартҳои мо барои поён додан ба ҷанг мушаххас аст.
– Мо оташбасро намепазирем, балки ба дунболи таваққуфи комили ҷанг на танҳо дар Эрон, балки дар кулли минтақа ҳастем.
– Шартҳои Эрон шомили тазмини адами такрори ҳамалот ва пардохти ғаромат барои хасорот аст.
– Наметавон мардуми Эронро таҳдид кард ва раиси ҷумҳури Омрико бояд бо эҳтиром бо онҳо сӯҳбат кунад.
– Тангаи Ҳурмуз ба таври комил боз аст ва танҳо барои касоне, ки бо мо душманӣ мекунанд, баста аст.
– Тамомии иқдомоти лозим барои убури амни киштиҳои дӯстон аз тангаи Ҳурмузро анҷом додаем.
– Омодаи ҳар гуна рӯёрӯии заминӣ ҳастем ва умедворем душманон дар муҳосиботи худ иштибоҳе накунанд.
– Мо ба дӯстонамон дар халиҷи Форс ҳамла намекунем ва фақат пойгоҳҳо ва манобеи омрикоиро ҳадаф қарор медиҳем.
– Дар оянда барои бозсозии эътимод ба кишварҳои ҳамсоя душвориҳое хоҳем дошт, аммо мутмаин ҳастам, ки онро бозсозӣ хоҳем кард.
– Тангаи Ҳурмуз метавонад гузаргоҳе барои сулҳ бошад ва иқдомоти марбут ба он, ба кишварҳои ҳамҷивор вобаста аст.
Қаламонлайн
