Паёми раиси дафтари сиёсии Ҳамос ба муносибати Иди Қурбон
Ахбори байналмилал
Исмоил Ҳаниа, раиси дафтари сиёсии ҷунбиши Ҳамос, имрӯз якшанбе дар паёме ба муносибати Иди Қурбон, бо ишора ба намоён шудани нишонаҳои гусаст дар режими ишғолгар, эълом кард, ки Фаластин дар остонаи озодии асиронаш қарор дорад.
Ба гузориши хабаргузори Форс, раиси дафтари сиёсии ҷунбиш Ҳамос дар паёме ба муносибати Иди Қурбон эълом кард: “Иди дигаре дар Фаластин омада дар ҳоле, ки Ғазза дар ҳамаи ҷабҳаҳо дар ҳоли набард бо мутаҷовизони ишғолгар аст ва мо дар авҷи ҳамосае таърихӣ ҳастем, ки дар он, аз сарзамин, ҳувият, муқаддасот ва амокини муқаддаси худ дифоъ мекунем.”
Вай, бо ишора ба муҳосираи сахт ва ранҷҳои мардуми навори Ғазза, ки аз як оворагӣ ба оворагии дигар ва аз як бомбборон ба бомбборони дигаре мерасанд, таъкид кард, ки бо ин вуҷуд, душмани саҳюнист чизе ҷуз устуворӣ, пойдорӣ, муқовамат ва решадорӣ ва таъаллуқи бештар ба ватан ва сарзаминашон нахоҳад дид.”
Ҳаниа афзуд, ки “мардуми ман дар навори Ғазза ҳама чизҳои гаронбаҳои худро тақдим карда ва мекунанд ва бо истиқомат ва бурдборӣ анвоъи дардҳоро таҳаммул мекунанд. Мо ба ваъдаи илоҳии пирӯзӣ, озодсозӣ ва тавонмандии худ яқин дорем.”
Вай бо баёни ин ки душмани “ҷинояткор бо наслкушии ваҳшиёна низ дар таҳаққуқи аҳдофи эъломиаш шикаст хӯрда” гуфт, ки ба мардони муқовамат дар гурдонҳои Қассом ва соири гурӯҳҳои муқовамат ин идро табрик мегӯяд. “Фарзандони Қассом ва ҳамаи гурдонҳои муқовамат дар ҳифзи тавоноии муқовамат дар ҳамла ба душман дар ҳама нуқот саромад буданд.”
Дар идомаи ин паём омадааст, ки амалиёти “Тӯфон ал-Ақсо” як набарди таърихӣ аст. Мо ба гурдонҳои муҷоҳиди худ мегӯем, ки Худованд талоши шуморо зойеъ нахоҳад кард ва ба зудӣ ин талош ба сарбаландӣ ва пирӯзӣ мунтаҳӣ мешавад.”
Ин раҳбари Ҳамос зимн тақдир аз ҳамаи тарафҳои ҳомӣ ва ҳампаймони Фаластин аз ҷумла Ҳизбуллоҳи Лубнон ва муқовамати Яман ва Сурия, хитоб ба муқовамати Ироқ гуфт: “Шумо нишон додед, ки душмани мо воҳид ва уммати воҳид ҳастем.”
Ҳаниа таъкид кард, ки Ҳизбуллоҳи Лубнон аз ҳамон лаҳзаи нахуст, аз Ғазза ҳимоят кард ва амалиёти худро густариш дод ва садҳо ҳазор шаҳракнишини саҳюнистро аз шимоли кишварамон овора кард. Бародаронамон дар Ансоруллоҳи Яман низ баҳри Сурх ва баҳри Арабро барои душмани саҳюнистӣ ва ҳомиёни ӯ мамнӯъ карданд.
Дар идомаи ин паём ба тадовуми ҷиноёти Исроил дар Ғазза, каронаи Бохтарӣ ва Қудс алайҳи миллати Фаластин ишора шуда ва аз уммати ислом хоста шуд, ки ба вазифаи худ дар ин набард амал кунанд. Замони он фаро расида, ки ин уммат ҳимояти худ аз Фаластинро тақвият ва рӯёрӯӣ бо душмани саҳюнистиро ташдид кунад.
Вай дар хусуси тавофуқи оташбас ва табодули асирон гуфт, ки Ҳамос ва гурӯҳҳои муқовамат барои дастёбӣ ба тавофуқе, ки хунрезии мардуми мо ва таҷовузро мутаваққиф мекунад, ҷиддият ва инъитофи зиёде нишон доданд.
Раиси дафтари Ҳамос афзуд: “Посухи мо ба пешниҳоди оташбас бо мабонии баёншуда дар суханронии Бойден ва қатъномаи Шӯрои амният мутобиқат дорад. Аммо ишғолгарон ба талошҳои худ барои давр задан ва фиреб додан бо ҳадафи бозпасгирии асиронашон ва аз саргирии ҷанги вайронгар идома медиҳанд.”
Вай таъкид кард, ки замони он фаро расида, ки ба ҳуқуқи асил ва машрӯъи худ даст ёбем. Дарвозаи амният ва сабот дар минтақа, дастёбии миллати мо ба ҳаққи таъйини сарнавишташон аст. “Ба умеди Худо дар остонаи озодии қарибулвуқӯъи асиронамон қарор дорем.”
Ҳаниа тасреҳ кард, ки Исроил на танҳо дар майдони ҷанг алайҳи Ғазза ва мардуми мо шикаст хӯрд, ки дар ҷанги сиёсӣ ва расонаӣ низ шикаст хӯрд. Душмани ҷинояткоре, ки наслкушӣ мекунад, ба ҳеч як аз аҳдофаш даст наёфта ва нишонаҳои гусаст ва фурӯпошии он намоён шуда, ки ҳокӣ аз шикасташ аст.
Ҳама бояд акнун талош кунанд, то душманро ба боз кардани ҳамаи гузаргоҳҳо ва расондани фаврии кӯмакҳо барои рафъи ҳамаи ниёзҳои мардуми мо водор кунанд. Гузаргоҳи Рафаҳ як минтақаи сирфан фаластинӣ аст ва Исроил бояд аз он хориҷ шавад.
Farsnews
Қаламонлайн
Паёмҳо, хабарҳо ва таҳлилҳои моро дар Телегром пайгирӣ кунед:
