Раъюл-явм: Номаи Синвор ҳикоят аз омодагии комил барои набард дорад

Рӯзномаи Раъюл-явм дар гузорише, ба ҷузиёти номаи Яҳё Синвор, раиси ҷунбиши Ҳамос дар Ғазза хитоб ба ҳайати музокиракунандаи ин ҷунбиш барои барқарории оташбас дар навори Ғазза ва табодули асирон бо режими саҳюнистӣ пардохт ва навишт: “Синвор аз омодагии комили гурдонҳои Қассом барои набарди Рафаҳ дар сурати шурӯъи он хабар додааст.”

Раъюл-явм дар бораи номаи Яҳё Синвор навишт: “Тибқи ҷузъиёти ҷадиди номаи Синвор, низомиёни ишғолгар дар Рафаҳ тафреҳ нахоҳанд кард ва он чи дар минтақаи Аззайтун рух дода, бахше аз каминҳои омодашуда аст, дар Хон-Юнус набард идома дорад, душман дурӯғ мегӯяд ва дигар ин ки нигарони моҳи Рамазон набошанд, зеро муқовамат тавони набард дорад.”

Ин расона идома дод: “Номаи фармондеҳ Синвор ба раҳбарони сиёсии ҷунбиши Ҳамос ҳудуди ду ҳафта қабл, ки бархе муфоди он аз сӯйи рӯзномаи Wall Street Journal мунташир шуда, таъсири зиёде дар таҳкими мавозеъи Ҳамос ва гурӯҳҳои муқовамат дар заминаи парвандаи гуфтугӯ бавежа миёнҷигарӣ доштааст. Ин нома тибқи иттилооти расида ба мо, ду ҳафта қабл ва ба таври мушаххас 15-уми феврал ба раҳбарони Ҳамос расида ва мавқеияти ҳайати Ҳамос бавежа дар сояи фишори шадид дар Қоҳираро таҳким бахшидааст.”

Бар асоси ин гузориш, Синвор дар ин нома ба вузуҳ ба омодагии олии низомӣ барои муқобила бо ҳамалоти артиши Исроил бавежа дар минтақа Аззайтун ишора карда, ки набарди сангине дар он ҷараён дорад. Ҳамчунин ба омодагии комили гурдонҳои Хон-Юнус ишора шуда, ки мизони талафоти воридшуда ба он бисёр камтар аз он аст, ки артиши Исроил эълом кардааст.

Раъюл-явм афзуд: “Синвор аз омодагии комили гурдонҳои Қассом барои набарди Рафаҳ дар сурати шурӯъи он хабар дода ва ин ки ин гурдонҳо тавони даргирӣ ва кашондани душман ба каминҳои тадорукдидашударо доранд.”

Ба навиштаи ин расона, нуктаи ҳоизи аҳаммият дар номаи Синвор, ишораҳои ӯ ба омодагии гурдонҳои Иззуддин Қассом ва гурӯҳҳои муқовамат барои муқобила бо душман дар сурат рӯй овардан ба рӯйкарди низомӣ дар шаҳри Рафаҳ аст ва ин ки Рафаҳ пас аз муҳосира, макони тафреҳӣ барои низомиёни саҳюнист нахоҳад буд ва гурдонҳои Қассом комилан омода ҳастанд.

Раъюл-явм изофа кард: “Синвор ба таври мактуб эълом кард, ки гурдонҳои муқовамат дар авҷи омодагӣ ва инзибот ҳастанд ва тарҳҳои худро пеш мебаранд ва муқовамат дар моҳи мубораки Рамазон, ки руҳия шаҳодадталабӣ ба авҷ худи мерасад, пойдорӣ хоҳад кард.”

Ин расона навишт: “Ба назар мерасад, ки бархе ҷузъиёт дар бораи раванди набардҳо бо муҳтавои номаи Синвор ҳамхонӣ дорад ва эътибори зиёде ба номаи вай мебахшад, бавежа ки аз бархе манотиқи хосс ном бурда ва дар бораи Хон-Юнус ва Рафаҳ ва моҳи мубораки Рамазон сӯҳбат кард.”

Ин дар ростои муодилае аст аз он чи душман аз назари низомӣ натавониста ба даст оварад ва аз тариқи гуфтугӯ ҳам ба даст нахоҳад овард; ин ҳамон мавзӯе аст, ки Исмоил Ҳаниа, раиси дафтари сиёсии Ҳамос дар изҳороти ахири худ ба паштвонаи номаи Синвор матраҳ кард.

Рӯзномаи омрикоии Wall Street Journal чанд рӯз қабл номаеро ба Синвор мунтасаб кард ва навишт, ки вай дар ин нома, ба мақомоти аршади ҷунбиши Ҳамос дар хориҷ аз сарзамини Фаластин дар хусуси вазъияти муборизони фаластинӣ ва пешрафти онҳо дар набардҳо алайҳи ишғолгарон итминон додааст.

Ин рӯзнома афзуд, ки Синвор дар ин паём гуфта буд: “Нигарон набошед. Исроилиҳо дақиқан ҳамон ҷойе ҳастанд, ки мо мехоҳем.”