Амирабдуллоҳиён дар гуфтугӯ бо Ҳаниа: “Натонёҳу ба поёни хат расидааст”
Ахбори байналмилал
Alalam
Вазири умури хориҷаи Эрон ва раиси дафтари сиёсии ҷунбиши Ҳамос шаби гузашта (21 март) дар як гуфтугӯи телефонӣ, охирин таҳаввулоти Фаластин ва Ғаззаро мавриди баҳсу баррасӣ қарор доданд.
Ба гузориши Алъодам, Ҳусайн Амирабдуллоҳиён, вазири умури хориҷаи Эрон ва Исмоил Ҳаниа, раиси дафтари сиёсии ҷунбиши Ҳамос, шаби гузашта дар як гуфтугӯи телефонӣ, охирин таҳаввулоти Фаластин ва Ғаззаро мавриди баҳсу баррасӣ қарор доданд.
Бар асоси баёнияи расмии Вазорати хориҷаи Эрон, Ҳаниа дар ин гуфтугӯ, зимни иблоғи саломҳои гарми худ ба раҳбар ва раиси Ҷумҳурии Исломии Эрон ва табрики соли ҷадид ва моҳи мубораки Рамазон ба давлат ва миллати Эрон, охирин таҳаввулоти сиёсӣ ва майдонӣ дар Ғаззаро ташреҳ кард.
Вай бо таъкид бар руҳия ва тавони болои размандагони муқовамат дар истодагӣ дар баробари мошини ҷангӣ в куштори душмани саҳюнистӣ, вазъияти инсонӣ бавежа дар шимоли борикаи Ғаззаро бӯҳронӣ тавсиф кард ва бар зарурати иқдоми фаврии ҷомеаи ҷаҳонӣ дар ирсоли кӯмакҳои башардӯстона барои сокинони Ғазза ва муқобила бо сиёсати эъмоли қаҳтӣ в гуруснагӣ аз сӯйи режими зидди инсонии саҳюнистӣ алайҳи сокинони Ғазза бавежа кӯдакон таъкид кард.
Раиси дафтари сиёсии Ҳамос ҳамчунин охирин вазъияти талошҳои сиёсӣ ва минтақаӣ барои таваққуфи наслкушӣ ва табодули асиронро табйин кард ва бо ишора ба шурути Ҳамос, ки мубтанӣ бар хостаи машрӯъи миллати Фаластин аст, ба сангандозии режими саҳюнистӣ дар ин масир ишора кард ва масъулияти ҳар гуна шикасти музокиротро мутаваҷҷеҳи Натонёҳу ва режими саҳюнистӣ донист.
Амирабдуллоҳиён дар ин гуфтугӯ гуфт: “Барои ҷаҳон қобили дарк аст, ки Натонёҳу ба поёни хатт расидааст ва сирфан барои бақои худ дасту по мезанад.”
Амирабдуллоҳиён афзуд: “Ҳамон гуна, ки мақоми раҳбарӣ таъкид карданд, бо истодагии мардум ва муқовамати Фаластин, режими Исроил дар ботлоқи ҷанги Ғазза гирифтор омадааст.”
Вазири хориҷаи Эрон Ҳаниаро дар ҷараёни охирин ройзаниҳо ва таҳаррукоти диплумотики Ҷумҳурии Исломии Эрон аз ҷумла мушорикати фаъол дар нишастҳои байналмилалӣ дар мавриди Фаластин қарор дод.
Амирабдуллоҳиён бо интиқоди ҷиддӣ аз Шӯрои амнияти Созмони Милал, бар зарурати иқдоми фаврии ниҳодҳои масъули байналмилалӣ дар таваққуфи куштори мардуми бепаноҳ ва занону кӯдакони Ғазза ва каронаи Бохтарӣ ва ирсоли фаврӣ ва бидуни маҳдудияти кӯмакҳои башардӯстонаи байналмилалӣ барои куллияи сокинони Ғазза дар ҳамаи манотиқ таъкид кард.
Alalam
Қаламонлайн
Паёмҳо ва хабарҳову таҳлилҳои ҷадиди моро дар Телегром пайгирӣ кунед:
