CNN: Тромп дар доми Эрон; на роҳи ҷанг дорад, на роҳи сулҳ
Ахбори байналмилал
CNN дар таҳлиле ҳушдор додааст, тавофуқи эҳтимолии Тромп бо Эрон шояд ба андозаи худи ҷанг, барои Вошингтун ҷанҷолӣ ва тафриқабарангез бошад.
Бар асоси ин гузориш, Омрико ва Эрон ба тафоҳуме барои бозкушоии тангаи Ҳурмуз ва коҳиши муҳосираи дарёӣ наздик шудаанд; тавофуқе, ки метавонад бӯҳрони энержӣ ва ихтилоли бозори нафтро коҳиш диҳад, аммо мунтақидони омрикоӣ мегӯянд, имтиёзҳои бузурге ба Теҳрон медиҳад.
Ҷумҳурихоҳони тундрав мӯътақиданд, озодсозии дороиҳои Эрон ва ақабнишинӣ аз фишорҳо, ба маънои пазириши бартарии Теҳрон дар бӯҳрон аст.
Демукротҳо ҳам мегӯянд, Тромп ҷанге пурҳазинаро оғоз кард, аммо ҳоло бидуни ҳалли комили парвандаи ҳастаӣ, ба дунболи хуруҷи обрӯмандона аст.
CNN менависад: Тромп дар бунбасти сиёсӣ қарор гирифта; идомаи ҷанг метавонад иқтисоди Омрико ва маҳбубияти ӯро бештар тахриб кунад ва поён додан ба он ҳам мумкин аст ба унвони ақабнишинӣ таъбир шавад.
Дар ниҳоят, пурсиши аслӣ ин аст: оё Омрико пас аз ин ҷанг, воқеан дар мавқеияти беҳтаре нисбат ба тавофуқи ҳастаии 2015 қарор гирифтааст ё на?
Қаламонлайн
