Бӯҳтон

Маро имрӯз бе як тир куштанд,

Зи ишқи зиндагӣ носер куштанд,

Зи бас бо ҳилаву тазвир куштанд,

“Ба мисли шери дар занҷир”, куштанд.

Нағунҷидам зи бас дар чашми шайтон-

Ба гӯри тираи аъмоли инсон,

Маро куштанду дар ман гӯр карданд-

Сияҳрӯён,

Сияҳрӯҳон,

Ҳасудон.

Зи нокарда гуноҳам оламе пур,

Зи маргам нест ҳамдарде аламдор.

Барои зоданам як аср кам буд,

Барои куштанам

Як лаҳза бисёр…