Густариши ҳамкориҳои Тоҷикистон бо ниҳодҳои СММ
Ахбори минтақа
Гви Йоп Сон – намояндаи СММ дар Аврупо ва Осиёи Миёна, бо вазири умруи хориҷаи кишварамон Сироҷиддин Муҳриддин дидор ва мулоқот намуд.
Дар ин дидор, роҳкорҳои густариши ҳамкориҳои байни Тоҷикистон ва ниҳодҳои Созмони Милал мавриди баррасӣ қарор гирифт.
Мудири минтақавии Дафтари ҳамоҳангии тавсиаи СММ дар умури Аврупо ва Осиёи Миёна ва вазири умруи хориҷаи Тоҷикистон дар мавриди вазъияти кунунии минтақа ва чашмандози густариши ҳамкориҳо дар заминаҳои мухталиф гуфтугу намуданд.
Лозим ба ёдоварист, дар мулоқотҳои чанде пеш, ки аз тарафи мақомоти СММ ва Тоҷикистон анҷом гардид, қарор шуд, то соли 2026 беш аз 370 миллион доллар аз ҷониби ниҳодҳои зермаҷмуаи Созмони Милал барои тавсиаи кишвар ихтисос ёбад.
Қаламонлайн
