Мо миллати бечораи рӯзгорем
Доктор Луқмон Бойматов
Мо миллати нопухтаи таърих будем ва ҳамакнун табдил ба миллати фалаҷи рӯзгор шудаем.
Рӯшанфикронамон боз ҳам доди сухан медиҳанд, вале дар баробари ҳамаи беадолатиҳо хомӯшанд.
Донишмандонамон аз маърифати расои худ фарёд ҳамезананд, вале донишҳояшон таҷаллиҳои дурӯғин аст.
Шоиронамон аз вожаҳо мӯъҷизаҳо месозанд, вале эъҷозашон гуҳарҳои маснӯъианд.
Устодонамон таълим медиҳанд, вале худ аз адаб бебаҳраанд.
Муаррихонамон аз таърихи падарон мегӯянд, вале дурру ҳикмати аҷдодро ба хармӯҳраҳо бадал кардаанд.
Падаронамон бо лофи маниятҳо зиндаанд, вале имрӯзу ояндаи фарзандонашонро ба бардагони ақвоми дигар табдил кардаанд….
Дардо, ки миллати пурдардем, намедонем аз кадомин дардҳоямон фиғон ба амал биёварем!
Миллате шудаем, ки садои оҳу нолаҳоро намешнавем…
Мо миллати бечораи таърихем, ки кунун рӯ ба нобудии худ ниҳодаем…
Қаламонлайн
