Оятуллоҳ Хоманаӣ: Роҳпаймоии имсол пуршукӯҳтарин ва бузургтарин роҳпаймоии Рӯзи Қудс хоҳад буд
Муносибатҳо
Оятуллоҳ Хоманаӣ: “Иншоаллоҳ роҳпаймоии имсол яке аз пуршукӯҳтарин ва боиззаттарини роҳпаймоиҳои Рӯзи Қудс хоҳад буд”
Ба гузориши хабаргузории Форс, Оятуллоҳ Хоманаӣ, раҳбари Ҷ.И.Эрон, дар паёми телевизионӣ аҳаммияти роҳпаймоии Рӯзи Қудси имсолро бештар аз солҳои қабл арзёбӣ кард.
Матни комили паёми Оятуллоҳ Хоманаӣ ба шарҳи зер аст:
Бисмиллоҳир Раҳмонир Раҳим
Роҳпаймоии Рӯзи Қудс ҳамеша нишонаи иттиҳод ва иқтидори миллати Эрон ва ҳамчунин нишонаи ин аст, ки миллати Эрон бар сари аҳдофи муҳим ва сиёсӣ ва асосии худ пойдор ва бо истиқомат аст. Ин ҷур нест, ки шиори ҳимоят аз Фаластинро бидиҳад ва баъд аз яке ду сол бигузарад ва раҳо кунад. Чиҳилу чанд сол аст, ки дар Рӯзи Қудс миллати Эрон дар роҳпаймоӣ ширкат мекунанд, дар ҳавои сард, ҳавои гарм, бо даҳони рӯза, дар саросари кишвар, на фақат дар шаҳрҳо, дар шаҳрҳои бузургу кучак ва рустоҳо. Бинобар ин роҳпаймоии Рӯзи Қудс яке аз ифтихороти миллати Эрон аст. Имсол ин роҳпаймоӣ ба назари ман аҳаммияти бештаре дорад; миллатҳои дунё тарафдори мо ҳастанд, онҳое, ки моро мешиносанд, тарафдори миллати Эрон ҳастанд, лекин бархе аз сиёсатҳо ва давлатҳое, ки мухолиф ҳастанд, алайҳи миллати Эрон таблиғот ва вуҷуди ихтилоф ва заъфро вонамуд мекунанд. Роҳпаймоии шумо дар Рӯзи Қудс ҳамаи ин тарфандҳо ва суханони ботилро ибтол хоҳад кард.
Умедворам иншоаллоҳ Худо кӯмакатон кунад ва роҳпаймоии Рӯзи Қудс яке аз беҳтарин ва пуршукӯҳтарин ва боиззаттарини роҳпаймоииҳои ин чанд сол бошад.
Вассалому алайкум ва раҳматуллоҳ
Қаламонлайн
