Ҳамос: “Ҷиноёти Исроил оғозе бар поёни низомӣ ва сиёсии ин режим аст”

Усома Ҳамдон, аз аъзои аршади ҷунбиши муқовамати исломии Ҳамос, панҷшанбешаб (28 декабр) тасреҳ кард: “Ҳамла ва ҷинояти Исроил ба Ғазза, оғозе бар поёни низомӣ ва сиёсии ин режим аст”.

Ба гузориши Ирно ба нақл аз шабакаи Алҷазира, Ҳамдон гуфт: “Он чи ки дар шимоли навори Ғазза ҷараён дорад, фоҷиаи инсонӣ аст, мардум ба шиддат бо камбуди дору ва ғизо рӯ ба рӯ ҳастанд”.

Вай, бори дигар ба мавзеи ҷунбиши Ҳамос дар хусуси тавофуқи табодули асирон ишора кард ва гуфт: “Сарони ишғолгари саҳюнист танҳо пас аз таваққуфи комили таҷовузгарӣ ва ҳамла ба Ғазза, метавонанд асирони худро, ки дар ихтиёри муқовамат қарор дорад, бибинанд”.

Ҳамдон изофа кард: “Аз дастгоҳҳои амниятӣ дар каронаи Бохтарӣ мехоҳем, ки силоҳи худро ба сӯйи душмани саҳюнистӣ нишона раванд”.

Вай афзуд: “Хоҳони раҳбарони фаластинии ватанпарасте ҳастем, ки қодир бошанд тарҳи озодсозии Фаластинро ба дӯш кашида ва муқоваматро мулзам ба таҳаққуқи аҳдофи он кунанд”.

Ҳамдон гуфт, ки Ҳамос аз ҳар гуна андеша ва пешниҳоде, ки мӯҷиби таваққуфи комили таҷовузгарии саҳюнистҳо бар миллати Фаластин бошад, истиқбол мекунад.

Ин мақоми Ҳамос тасреҳ кард: “Миллати Фаластин таваққуфи муваққат дар Ғаззаро намехоҳанд, балки хоҳони барқарории оташбаси комил дар ин минтақа ҳастанд”.

Вай гуфт: “Ҷанг бо ишғолгарони саҳюнист, ҷанги озодсозии миллии фаластинӣ аст ва мо аз ҳамаи касоне, ки моро ёрӣ мекунанд, қадрдонӣ мекунем”.