Маҳкумияти ҷинояти Исроил алайҳи Яман тавассути Эрон
Ахбори байналмилал
Эрон ҷинояти режими саҳюнистӣ алайҳи Яманро ба шиддат маҳкум кард
Вазорати умури хориҷаи Эрон: Ин ҳамалоти теруристӣ ва шаҳодати хидматгузорони мардум дар давлати Яман дар азму иродаи ин миллати озода ва шуҷоъ барои дифоъ аз иззати худ ва ҳимоят аз мардуми мазлуми Фаластин халале ворид намекунад.
Ба гузориши шабакаи Алолам
Вазорати умури хориҷаи Ҷ.И.Эрон дар баёнияе, зимни маҳкумияти шадиди ҷинояти теруристии режими саҳюнистӣ алайҳи Яман, нисбат ба таҳдидҳои фазояндаи ношӣ аз тавсиаталабӣ ва теруризми созмонёфтаи режими саҳюнистӣ алайҳи сулҳ ва амнияти байналмилалӣ ҳушдор дод.
Вазорати умури хориҷаи Ҷумҳурии Исломии Эрон дар ин баёния иқдоми таҷовузкорона ва теруристии режими манҳуси саҳюнистӣ алайҳи Яман, ки мунҷар ба шаҳодати Аҳмад Ғолиб Раҳавӣ, нахуствазири давлати “Тағйир ва созандагӣ”-и Яман ва чанд тан аз вузарои ҳамроҳи ӯро ба шадидтарин ваҷҳи мумкин маҳкум ва бар зарурати таҳарруки ҷиддии ҷомеаи ҷаҳонӣ ва кишварҳои исломӣ барои маҳори ёғигарии ин режим таъкид кард.
Вазорати умури хориҷаи Ҷ.И.Эрон афзуд: “Ҷинояти дадманишонаи режими саҳюнистӣ дар таҷовузи низомӣ ба зерсохтҳо ва манотиқи маскунии Яман ва терури масъулони олирутба ва шаҳрвандони бегуноҳи Ямани на танҳо мисдоқи боризи ҷинояти ҷангӣ ва ҷиноят алайҳи башарият аст, балки интиқомгирии шаруронаи ин режим аз миллате аст, ки мусаммам ба ифои масъулияти ахлоқӣ ва инсонии худ дар ҳимоят аз мардуми мазлуми Фаластин буда ва дар ин роҳ аз ҳеч фидокорӣ дареғ накардааст.”
Ин вазоратхона таъкид кард: “Ин ҳамалоти теруристӣ ва шаҳодати хидматгузорони мардум дар давлати Яман дар азм ва иродаи ин миллати озода ва шуҷоъ барои дифоъ аз иззати худ ва ҳимоят аз мардуми мазлуми Фаластин халале ворид намекунад ва танҳо мӯҷиби нафрат ва хашми фазояндаи афкори умумӣ бавежа дар ҷаҳони ислом алайҳи режими саҳюнистӣ ва ҳомиёни он хусусан Омрико мешавад.”
Вазорати умури хориҷаи Ҷумҳурии Исломии Эрон тасреҳ кард: “Ҷумҳурии Исломии Эрон бо табрик ва таслияти шаҳодати нахуствазир ва дигар мақомҳои олирутбаи яманӣ ва ҳамаи шаҳрвандони яманӣ, ки дар ҷараёни таҷовузоти низомии режими саҳюнистӣ ба шаҳодат расидаанд, масъулияти Созмони Милали Муттаҳид ва куллияи давлатҳои узви он барои иқдоми оҷил ҷиҳати таваққуфи ҷангафрӯзии режими ишғолгар ва посухгӯ кардани саркардагони ҷинояткори ин режимро хотирнишон мекунад ва нисбат ба таҳдидҳои фазояндаи ношӣ аз тавсиаталабӣ ва теруризми созмонёфтаи режими саҳюнистӣ алайҳи сулҳ ва амнияти байналмилалӣ ҳушдор медиҳад.”
Ин вазоратхона афзуд: “Бидуни тардид идомаи беамалии Шӯрои амнияти Созмони Милал дар қиболи таҷовузоти низомии режими саҳюнистӣ алайҳи ҳокимияти миллӣ ва тамомияти сарзаминии кишварҳои минтақа ва нақзҳои фоҳиши ҳуқуқи байналмилал бавежа ҳуқуқи башар ва ҳуқуқи башардӯстона, мӯҷиби фарсоиши беш аз пеши ҳинҷорҳои қонунӣ ва бунёнҳои ахлоқии ҷомеаи ҷаҳонӣ шуда ва сулҳ ва амнияти минтақа ва ҷаҳонро дар маърази хатари бесобиқа қарор медиҳад.”
Вазорати умури хориҷаи Ҷ.И.Эрон бо ёдоварии масъулияти қонунӣ ва ахлоқии ҳамаи давлатҳо барои иқдоми оҷил ҷиҳати таваққуфи наслкушӣ дар Ғазза ва ҷилавгирӣ аз куштори фаластиниён бар асари ҳамалоти мустамирри низомӣ ва низ гуруснагӣ ва ташнагии таҳмилшуда бар мардуми мазлуми Ғазза, бар зарурати муҳокима ва муҷозоти сарони сиёсӣ ва низомии режими саҳюнистӣ ба хотири иртикоби ҷиноёти шанеъ таъкид мекунад.
Қаламонлайн
