Исмоил Ҳаниа: “Исроил дар ҳеч як аз аҳдофи худ ба натиҷа нарасид”

Исмоил Ҳаниа, раиси дафтари сиёсии ҷунбиши Ҳамос ба шикасти ишғолгарон дар бозгардондани асирони саҳюнист дар навори Ғазза баъд аз 100 рӯзи ҷанг ишора кард ва гуфт: “Исроил танҳо дар сурати озодии ҳамаи асирони мо дар зиндонҳо, хоҳад тавонист асирони худро бозгардонад.” Ҳаниа таъкид кард: “Исроил дар ҳеч як аз аҳдофи худ ба натиҷа нарасид ва шикасти муфтазаҳона хӯрд ва фақат чеҳраи кареҳи он барои ҷаҳон бештар бармало шуд.”

Вай гуфт: “Талоши душман барои ба ҳошия рондани масъалаи Фаластин дар сатҳи ҷаҳон, нақшаҳои ишғолгарон алайҳи Фаластин ва Масҷидулақсо ва раванди оддисозии равобити саҳюнистҳо, аз барҷастатарин иллатҳои амалиёти “Тӯфон ал-Ақсо” буд.”

Ба гузориши Ирно ба нақл аз Алҷазира, Ҳаниа дар бораи кобинаи кунунии режими саҳюнистӣ ва нақшаҳояш алайҳи миллати Фаластин афзуд, ки кобинаи тундрав ва ифротии ин режим, инъикоси воқеияти ифротгароии динӣ ва қавмии тӯдаи саҳюнистҳост.

Вай идома дод: “Ин кобина нақшаҳои худро оғоз кард ва дидем, ки дар Масҷидулақсо ва каронаи Бохтарӣ чӣ кор кард, онҳо шаҳраксозиро густариш доданд ва ҳазорон фаластиниро боздошт карданд.”

Раиси дафтари сиёсии ҷунбиши Ҳамос изофа кард: “Барои мо возеҳ буд, ки ин кобина бо решаҳои худ дар дохили тӯдаи саҳюнистҳо иқдом ба тахриби Масҷидулақсо ё дастикам сайтара бар он хоҳад кард.”

Ҳаниа изҳор дошт: “Севвумин барномаи кобинаи режими саҳюнистӣ, оддисозии равобит барои идғоми Исроил дар минтақа ба зиёни масъалаи Фаластин ва ҳуқуқ ва усули собити уммати исломӣ буд.”

Вай гуфт: “Ин назарияи Исроил аст, ки як сулҳи минтақаӣ ба зиёни масъалаи Фаластинро бино кунад ва аз ин рӯ, қатори оддисозӣ ба шумори зиёде аз пойтахтҳо расид.”

Раиси дафтари сиёсии ҷунбиши Ҳамос афзуд: “Мо бо ин таҳаввулот рӯ ба рӯ будем, ки маънои он аз байн бурдани масъалаи Фаластин дар сояи ин кобинаи саҳюнистӣ ва сипас эҷоди эътилофҳои амниятӣ ва сиёсӣ дар минтақа буд, ки режим дар қалби онҳо бошад.”

Ҳаниа дар бораи аҳдофи режими Исроил барои таҷовузгарӣ алайҳи навори Ғазза низ гуфт: “Ҳадафи аввал аз байн бурдани муқовамат ва ҷунбиши Ҳамос ва поён додан ба муқовамат дар Ғазза, ҳадафи дуввум бозгардондани асирони саҳюнист ва севвумин ҳадаф, кӯчондани мардуми навори Ғазза ба самти сарзаминҳои Миср аст.”

Исроил ин се ҳадафро расман эълом кард, ки эътилофи омрикоӣ ва ғарбӣ низ онро дар дастури худ қарор додааст.

Вай ба чаҳор марҳилаи режими саҳюнистӣ дар таҷовузгарӣ алайҳи навори Ғазза ишора ва изофа кард: “Марҳилаи аввал ҳамлаи ҳавоии фарогир, марҳилаи дуввум вуруди заминӣ ба навори Ғазза, марҳилаи севвум амалиёти ҷарроҳии мутамаркиз алайҳи муқовамат ва марҳилаи чаҳорум, марҳилаи сиёсӣ ва вуҷуди як Ғазза бидуни Ҳамос ва муқовамат аст, аммо мегӯям, ки бо вуҷуди ҳазинаи газоф ва кушторҳо ва ҷиноятҳои режими саҳюнистӣ, душман дар таҳқиқи ҳеч як аз аҳдофи худ баъд аз 100 рӯз аз ҷанг, муваффақ нашуд.”

Раиси дафтари сиёсии ҷунбиши Ҳамос таъкид кард: “Аз байн бурдани Ҳамос, таваҳҳум ва сароб аст. Ҳамос яъне худи мардум.”

Вай ҳамчунин ба шикасти ишғолгарон дар бозгардондани асирони саҳюнист дар навори Ғазза баъд аз 100 рӯзи ҷанг ишора кард ва гуфт: “Исроил танҳо дар сурати озодии ҳамаи асирони мо дар зиндонҳо, хоҳад тавонист асирони худро бозгардонад.”

Ҳаниа таъкид кард: “Исроил дар ҳеч як аз аҳдофи худ ба натиҷа нарасид ва шикасти муфтазаҳона хӯрд ва фақат чеҳраи кареҳи он барои ҷаҳон бештар бармало шуд.”