Ифшогарии нуфузи иттилоотии Эрон бар вазири дифои Исроил
Ахбори байналмилал
Ба эътирофи масъулини исроилӣ: Шабакае аз исроилиҳо, ки барои Ҷумҳурии Исломии Эрон ҷосусӣ мекарданд, боздошт шудаанд.
Ба гузориши нашрияи исроилии Israel Hayom, дастгоҳи амнияти дохилии режими саҳюнистӣ (Шобок) ва пулиси ин режим (сешанбе) эълом карданд, ки ду исроилӣ ба номҳои Рой Мизрахи ва Алмог Атиас, ҳар ду 24-сола ва сокини шаҳри Нешер дар ҷануби Ҳайфо ба иттиҳоми анҷоми маъмуриятҳои ҷосусӣ барои Эрон дастгир шудаанд.
Бар асоси эъломи матраҳшуда, ин ду фард муттаҳам ҳастанд, ки дар минтақаи Кфар-Ахим, маҳалли сукунати Исраэл Катс, вазири дифоъи режими саҳюнистӣ, иқдом ба ҷамъоварии иттилоот кардаанд.
Шобок таъкид кард, ки Мизрахи бо афроде, ки аҳли Эрон буданд, иртибот барқарор карда ва ба дастури онҳо маъмуриятҳоеро анҷом додааст.
Дар идомаи ин эъломи Шобок омадааст, ки Мизрахи ба дастури тарафҳои эронӣ, як телефони ҳамроҳи ҷадид харидорӣ карда ва аз як барномаи хоссе барои иртибот бо як фарди эронӣ истифода кардааст. Ҳамчунин Шобок эълом кард, ки Мизрахи мехост як кифи ҳовии маводди мунфаҷираро ба маҳалли сукунати Исраэл Катс мунтақил кунад.
Қаламонлайн
