Масъулин ё мақомот?

“Мақомот” ва “масъулин” ду мафҳум аст:

Масъул касест, ки аз ӯ пурсида мешавад; аз ӯ мепурсанд, талаб мекунанд.

Ӯ мавриди суол қарор мегирад ва бояд посух диҳад.

Масъул будан, яъне посухгӯ будан аст.

Масъул дар баробари мардум вазифа дорад.

Тааҳҳуд дорад.

Масъул – ходими миллат аст.

Аммо мақомот…

Мақомот – ба маънои касест, ки соҳиби мақом аст.

Яъне ман барои вай ҷойгоҳи баландтар аз худам тасавур мекунам ва табиатан ба худам ин иҷозаро намедиҳам, ки аз ӯ чизеро бипурсам ва ӯро мавриди суол қарор диҳам.

Ӯро муваззаф ба посухгӯӣ намедонам.

Ӯ мақомдор асту соҳибмақом. Аз зумраи мақомот аст.

Ӯ ҳам худро ходими миллат намедонад. Балки бовараш шуда, касест, болотар аз мардум ва миллат аст. Ходими миллат нест.