Фармондеҳи эронӣ: Исроил рӯ ба поён аст

Сарлашкар Ҳусайни Саломӣ, фармондеҳи кулли Сипоҳи Посдорони Инқилоби Ҷумҳурии Исломии Эрон, бо баёни ин ки иттифоқи имрӯз намоде аз поёни таҷовуз, қатл ва ишғоли сарзамин тавассути “Исроил” аст, изҳор кард: “Ҳеч кас наметавонад ба доди саҳюнистҳо бирасад, омрикоиҳо ҳам наметавонанд онҳоро наҷот диҳанд, қабл аз он ки онҳо бирасанд корашон тамом аст.” Вай таъкид кард: “Режими саҳюнистӣ рӯ ба поён аст.”

Ба гузориши хабаргузории Форс, фармондеҳи кулли Сипоҳи Посдорони Инқилоби Ҷумҳурии Исломии Эрон, бо таъкид бар ин ки имрӯз дар саҳнаи Фаластин имон, ислом ва Қуръон аст, таъкид кард: “Фаластиниҳо солҳост дар муҳосираи саҳюнистҳо ҳастанд ва ҳеч кас наметавонад убуре аз марзҳо дошта бошад, аммо имрӯз шоҳиди таваллуди як Фаластини ҷадид ҳастем бар пояи азамат ва бар пояи қудрат.”

Вай бо баёни ин ки ин Фаластини қудратманд тарсу ваҳшатро ба хонаҳои саҳюнист ворид кардааст, изҳор кард: “Фаластиниҳо имрӯз бидуни ҳеч муқовамате аз сӯйи сарбозони режими саҳюнистӣ, онҳоро таҳқир мекунанд ва аз ҳуқуқи аз даст рафтаи худ бо шарофат дифоъ мекунанд.”

Саломӣ таъкид кард: “Исроили ҷадид як мавҷуди заъиф ва залил аст, ки дигар наметавонад раҷаз бихонад, ӯ ҳар вақт мехост бо булдозерҳо хонаи фаластиниҳоро шабона бар сарашон овор мекард ва асир мегирифт, аммо достони режими саҳюнистӣ рӯ ба поён аст.”

Вай бо баёни ин ки иттифоқи имрӯз намоде аз поёни таҷовуз, қатл ва ишғоли сарзамин тавассути “Исроил” аст изҳор кард: “Ҳеч кас наметавонад ба доди саҳюнистҳо бирасад, омрикоиҳо ҳам наметавонанд онҳоро наҷот диҳанд, қабл аз он ки онҳо бирасанд корашон тамом аст.”

Фармондеҳи кулли Сипоҳи Посдорони Эрон бо таъкид бар ин ки ҳеч кас наметавонад ба доди саҳюнистҳо бирасад ва Омрико такягоҳи сусте аст ва “Исроил” аз он сусттар аст, изҳор кард: “Хонаи Исроил монанди тори анкабут аст. Онҳое, ки мехоҳанд ба таъбири раҳбари азизмон рӯйи аспи бозанда шартбандӣ кунанд, имрӯз воқеиятҳоро бибинанд, ки ба такягоҳи суст наметавон иттико кард; такягоҳи Исроил Омрико ва Урупо буд, ки ингуна залил шуд.”

Вай бо таъкид бар ин ки Фаластин имрӯз метавонад аз даруни худ қудрат бисозад таъкид кард: “Тақобули иззат ва зиллатро дар ин набард метавон дид, ки инҳо ҳама аз шаҳодат аст; шаҳодат рамзи пирӯзии мусалмонон аст.”