Аҳмад Масъуд: “Ба ҷанги чирикӣ (партизанӣ) идома медиҳем”

Ба гузориши Reuters, Аҳмад Масъуд, раҳбари дар табъиди ҷабҳаи муқовимати миллии Афғонистон, дар мусоҳибае гуфт: “Танҳо роҳ барои Толибон ба манзури дастёбӣ ба машрӯъият, ин аст, ки интихобот баргузор кунад, аммо дар ҳоли ҳозир дурнамое барои чунин иқдоме дида намешавад.”

Вай идома дод: “Толибон аз ҳар гуна музокира барои гуфтугӯ худдорӣ мекунад.” Масъуд афзуд: “Аз ҷаҳон ва мардуми Афғонистон фақат мехоҳам, то бипазиранд, ки ин (ҷанги чирикӣ), танҳо равиш дар ҳоли ҳозир аст.”

Аҳмад Масъуд, ки аз хориҷ аз кишвар бар ин гурӯҳҳо назорат дорад гуфт, ки ҷабҳаи муқовимати Афғонистон маҷбур шуда, то токтикҳояшро тағйир диҳад, чун наметавонад бо Толибон, ки ба шиддат муҷаҳҳаз аст, мубориза кунад.

Вай бо ишора ба рушди теъдоди нерӯҳои ҷабҳаи муқовимати миллии Афғонистон аз 1200 ба 4000 нафар, гуфт: “Мо соли гузашта як рӯйкарди амалитарро интихоб кардем, ки ҳамон ҷанги чирикӣ аст. Барои ҳамин аст, ки мебинед, бо ин теъдоди кам таъсири бештаре доштаем.”

Аҳмад Масъуди 34-сола, ки барои рӯнамоӣ аз як китоби ҷадид дар Порис буд, ҳамчунин гуфт: “Нерӯҳои ҷабҳаи муқовимати миллии Афғонистон ҳеч кӯмаки низомӣ дарёфт намекунанд ва ба анборҳои таслиҳотии марбут ба чандин даҳа ҷанг дар Афғонистон вобаста ҳастанд. Онҳо ба муҳиммот ниёз доранд.”

Масъуд хотирнишон кард: “Ин ба қадри кофӣ мояи дардисари Толибон аст, албатта на он қадре, ки боиси сарнагунии онҳо шавад ё боис шавад, то бар сари мизи музокира биншинанд. Ин чизе аст, ки ҷаҳон бояд даркаш кунад.”

Раҳбари дар табъиди ҷабҳаи муқовимати миллии Афғонистон ҳар гуна пешниҳод барои бозгашт ба Афғонистонро ба унвони бахше аз тарҳи илҳоқи муҷаддади мақомҳои собиқи Афғонистон, ки аз сӯйи Толибон матраҳ шуда, рад кард ва афзуд: “Ин афроде, ки Афғонистонро тарк кардаанд, ба дунболи далоили ҷиддӣ ҳастанд. Онҳо барои усул Афғонистонро тарк кардаанд. Агар Толибон эълом кард, ки интихоботро мепазирад, он вақт ҳамагии мо метавонем ба хотири он чизе, ки мехоҳем, ба Афғонистон баргардем.”

Вай гуфт: “Мо талош мекунем, то ба ғарбиҳо бигӯем, ки шояд шумо ба масъалаи Укройн машғул ва саргарм ҳастед, аммо мо ҳам бобати авзоъ дар Афғонистон ба таваҷҷӯҳ ниёз дорем, чун авзоъ дар кишвар мисли бомби соатӣ аст.”