Раҳбари Эрон: Ояндаи дурахшони минтақаи Халиҷи Форс бидуни ҳузури Амрико
Ахбори байналмилал
Оятуллоҳ Сайидмуҷтабо Хоманаӣ: “Фасли навини халиҷи Форс ва тангаи Ҳурмуз дар ҳоли рақам хӯрдан аст”
Ба гузориши хабаргузории Форс, Оятуллоҳ Сайидмуҷтабо Хоманаӣ, раҳбари Ҷ.И.Эрон, ба муносибати Рӯзи миллии халиҷи Форс паёме содир намуданд, ки ба шарҳи зерин аст:
Бисмиллоҳир Раҳмонир Раҳим
Яке аз неъматҳои бебадили Худованди Мутаол барои миллатҳои мусалмони минтақаи мо хусусан мардуми шарифи Эрони Исломӣ, мавҳибати “Халиҷи Форс” аст; неъмате фаротар аз паҳнаи обӣ, ки бахше аз ҳувият ва тамаддунамонро шакл дода ва илова бар нуқтаи иттисоли миллатҳо, масири ҳаётӣ ва мунҳасир ба фарди иқтисоди ҷаҳониро дар тангаи Ҳурмуз ва пас аз он дарёи Уммон эҷод кардааст. Ин сармояи роҳбурдӣ, тамаъи шаётини бисёреро дар қарнҳои гузашта барангехта ва собиқаи таҷовузҳои мукаррари бегонагони урупоӣ ва омрикоӣ, ноамниҳо, зарарҳо ва таҳдидҳои мутааддид барои кишварҳои минтақа, танҳо гӯшае аз нақшаҳои шуми мустакбирони ҷаҳон алайҳи сокинони минтақаи халиҷи Форс мебошад, ки тозатарин намунаи он қаддоракашиҳои шайтони бузург буд.
Миллати Эрон, ки дорои бештарин соҳили хокии халиҷи Форс аст, бештарин ҷонфишониҳоро дар роҳи истиқлоли халиҷи Форс ва муқобила бо бегонагон ва мутаҷовизон доштааст; аз ихроҷи пуртуғолиҳо ва озодсозии тангаи Ҳурмуз, ки мабнои номгузории 10-уми урдубиҳиштмоҳ ба унвони Рӯзи миллии халиҷи Форс шудааст, то мубориза алайҳи истеъмори Ҳуланд ва низ ҳамосаҳои муқовимат дар муқобили истеъмори Англис ва ғайра.
Аммо Инқилоби Исломӣ, нуқтаи атфи ин муқовиматҳо дар кӯтоҳ кардани дасти мустакбирон аз минтақаи халиҷи Форс буд ва имрӯз бо гузаштаи ду моҳ аз бузургтарин лашкаркашӣ ва таҷовузи зӯргӯёни дунё дар минтақа ва шикасти муфтазаҳонаи Омрико дар нақшаи худ, фасли навини халиҷи Форс ва тангаи Ҳурмуз дар ҳоли рақам хӯрдан аст.
Миллатҳои минтақаи халиҷи Форс, ки солҳои мутамодӣ ба сукут ва зиллатпазирии ҳокимон дар баробари зӯргӯён ва таҷовузкорон одат карда буданд, дар 60 рӯзи гузашта ҷилваҳои зебои салобат, ҳушёрӣ ва муҷоҳидати диловармардони нерӯҳои дарёии артиш ва Сипоҳро дар канори ғайрат ва салаҳшӯрии мардум ва ҷавонони хиттаи ҷануби Эрони азиз дар нафйи султаи бегонагон ба чашми худ диданд.
Имрӯз ба иноёти ҳазрати Ҳақ ҷалла ва ало ва ба баракати хуни шуҳадои мазлуми ҷанги таҳмилии севвум алалхусус раҳбари азимушшаън ва дурандеши Инқилоби Исломӣ аълаллоҳу мақомаҳуш шариф, на фақат дар миёни афкори умумии ҷаҳон ва миллатҳои минтақа, ҳатто барои салотин ва ҳокимони кишварҳо низ собит шуд, ки ҳузури бегонагони омрикоӣ ва лонагузинӣ ва ошёна кардани онҳо дар сарзаминҳои халиҷи Форс, муҳимтарин омили ноамнӣ дар минтақа аст ва пойгоҳҳои пушолии Омрико тобу тавони таъмини амнияти худро низ надорад, чӣ расад ба ин ки умеде ба таъмини амнияти вобастагон ва Омрикопарастони минтақа тавассути Омрико бошад.
Ба ҳавлу қувваи илоҳӣ ояндаи дурахшони минтақаи халиҷи Форс, ояндае бидуни ҳузури Омрико ва дар хидмати пешрафт, осоиш ва рафоҳи миллатҳояш хоҳад буд. Мо бо ҳамсоягонамон дар паҳнае обии халиҷи Форс ва дарёи Уммон ҳамсарнавишт ҳастем ва бегонагоне, ки аз ҳазорон км дуртар, тамаъкорона дар он шарорат мекунанд, ҷойе дар он надоранд магар дар қаъри обҳояш. Ва занҷираи ин зафар, ки ба лутфи парвардигор таборак ва таъоло дар сояи тадобир ва сиёсатҳои муқовимат ва роҳбурди Эрони қавӣ муҳаққақ шудааст, талиъаи назми ҷадиди минтақа ва ҷаҳон хоҳад буд.
Имрӯз барангехтагии мӯъҷизагуни миллати Эрон, мунҳасир дар даҳҳо миллион ҷонфидои мубориза бо саҳюнизм ва Омрикои хунрез намонда ва пешопеши суфуфи баҳам пайвастаи уммати мабъусшудаи исломӣ; 90 миллион ҳамватани ғаюр ва шарифи эронии дохил ва хориҷ аз кишвар, тамоми зарфиятҳои ҳувиятӣ, маънавӣ, инсонӣ, илмӣ, санъатӣ ва фанновариҳои пояӣ ва навин – аз нону ва био то ҳастаӣ ва мушакӣ – ро сармояи миллии худ фарз карда ва ҳамчун марзҳои обӣ, хокӣ ва ҳавоӣ посдори он хоҳанд буд.
Эрони Исломӣ бо шукри амалии неъмати эъмоли мудирият бар тангаи Ҳурмуз, минтақаи халиҷи Форсро эман хоҳад кард ва басоти суистифодаҳои душмани мутахосимро аз ин оброҳ бархоҳад чид. Қоидаҳои ҳуқуқӣ ва эъмоли мудирияти ҷадиди тангаи Ҳурмуз, осоиш ва пешрафтро ба нафъи ҳамаи миллатҳои минтақа рақам хоҳад зад ва мавоҳиби иқтисодии он, дили миллатро шод хоҳад кард; би изниллоҳ ва лав кариҳал-кофирун.
Қаламонлайн
