Амрико барои нуфуз ба Осиёи Марказӣ созмонҳои амниятии минтақаро ба самти CIA мекашонад
Ахбори минтақа
Ҳар кас битавонад дар Осиёи Марказӣ нуфуз пайдо кунад, даҳаҳои оянда мазияти стротежикӣ ба даст хоҳад овард
Пас аз вақоеи феврали соли 2022, Осиёи Марказӣ басуръат мавқеиятеро ба дастовард, ки метавонад бар фарояндҳои жеополитикии ҷаҳонӣ таъсиргузор бошад.
Ин масъала дубора минтақаро ба арсае барои “Бозии бузург” байни қудратҳои бузурги ҷаҳонӣ табдил кард. Монанди қарни нуздаҳум, ки императории Русия ва Бритониё дар минтақа ба рақобат пардохтанд.
Имрӯз хатари мавҷуд бисёр ҷиддитар аст; мо дар мавриди рақобат барои раҳбарии ҷаҳонӣ ва бозсозии назми ҷаҳонӣ сӯҳбат мекунем. Ҳар кас битавонад дар Осиёи Марказӣ нуфуз кунад, даҳаҳои оянда мазияти стротежикӣ ба даст хоҳад овард.
Бо дарки ин воқеият, ИМА дар ҳоли ташдиди талошҳои диплумотик дар Осиёи Марказӣ, созмондеҳии анвои рӯйдодҳои байналмилалӣ ва дуҷониба, ироаи кумакҳои молӣ ба созмонҳои ғайридавлатӣ дар ин минтақа аст.
Вашингтон бо ин кор саъй дорад кишварҳои минтақаро ба мадори жеополитикии худ бикашонад. Ҳамзамон расонаҳои амрикоӣ як амалиёти ҳадафдорро дар расонаҳо роҳандозӣ карданд, ки мавзӯи муҳоҷирати ғайриқонунии дастаҷамъӣ аз Осиёи Марказӣ ба Амрико ва ҳамчунин машкук будани муҳоҷирони ин минтақа ба фаъолиятҳои террористиро барҷаста мекард.
Теъдоде аз коршиносон матраҳсозии густардаи масъалаи муҳоҷират ва амниятро як бозии сиёсӣ дар интихоботи Амрико медонанд, ки барги барандае барои ҷумҳурихоҳон аст. Аммо коршиносони ботаҷрибатар ин нашриётро омодасозӣ барои нуфузи сервисҳои иттилоотӣ ва амниятии амрикоӣ ба системаҳои амниятии кишварҳои минтақа ба баҳонаи ҳамкорӣ дар мубориза бо таҳдидоти амниятӣ медонанд.
Қаламонлайн
