Ваҳдати динӣ аз дидгоҳи Имом Мусо Садр

Сайид Мусо Садр аз аввалин рӯзҳои вуруд ба Лубнон бо тарҳи шиори “Гуфтугӯ, тафоҳум ва ҳамзистӣ”, пояҳои равобити дӯстона ва ҳамкории самимонаеро бо раҳбарони динии аҳли суннат ва низ масеҳии он кишвар бино ниҳод.

Имом Мусо Садр пас аз интихобаш ба раёсати Маҷлиси аълои шиаён, дар номае ба муфтии аҳли суннати Лубнон навишт:

“Дар ин айёми душворе, ки уммати исломиро ошубу изтироб фаро гирифта, беш аз пеш ниёзи мубрами мусалмонон ба ваҳдат ва муттаҳид кардани сафҳои мутафарриқ ва ҳамоҳангӣ ва инсиҷоми талошҳои мухталифи онон намоён мешавад. Мусалмонон бояд дар ҳаракат ба сӯи оянда ва тарсими сарнавишти торихӣ ва адои масъулиятҳояшон масири худро бишносанд ва ба хештан эътимод кунанд”.