Гантз: “Ин кудато шояд пояи фурӯпошии Исроил бошад”

Бени Гантз, вазири ҷанги пешини “Исроил” ҳушдор дод: “Метарсам Исроил дучори ҷанги дохилӣ шавад ва исроилиҳо тикка-тикка шаванд.”

Гантз дар ришта твиттҳое дар сафҳаи расмии худ дар Твиттер навишт: “Фикр намекунам, ки касе бихоҳад, ки инҷо дучори ҷанги дохилӣ шавад, аммо муташанниҷ будани шароит, ба сӯйи як шаби манфӣ меравад ва хатари вуқӯи он ҳар рӯз бештар мешавад.”

Вай изҳор кард: “Ин суханон як пешбинии ношӣ аз хашм нест, ман дар ҷомеа зиндагӣ мекунам ва мебинам, ки чӣ гуна дорем тикка-тикка ва пароканда мешавем.”

Гантз афзуд: “Ман имрӯз беш аз ҳар замони дигаре ба иллати мушкилоти амниятӣ нигарон ҳастам, ман аз мушкилоти дохилӣ ҳарос дорам, аз шикофи рӯзафзун дар миёни гурӯҳҳои мухталифи Исроил ба иллати қонуне, ки бидуни гуфтугӯи воқеӣ барои он таблиғ мешавад ва натиҷа як кудатои истибдодӣ аст, ки наметавонем онро бипазирем.”

Вай бо кудато хондани иқдоми кобинаи Натонёҳу барои ислоҳи низоми қазоӣ гуфт: “Ин кудато шояд пояи фурӯпошии Исроил бошад.”

Гантз афзуд: “Ман омодагии инро надорам, ки Исроил аз ҳам бипошад ҳамчунон, ки ҳозир нестам он чиро, ки барои чандин даҳа дар инҷо сохта шуда, нобуд шавад.”

Вай афзуд: “Ононе, ки эҳсосоти миллионҳо исроилии мухолифи кудаторо камаҳаммият медонанд ва шаъни ҳазорон мӯътаризро, ки ҳафтаҳои паёпай ба хиёбон меоянд, пойин меоварад, дар сададанд Исроилро ба хотири манфиати раҳбарони давлатӣ аз дарун нобуд кунанд.”