Мақомоти Покистон: Эҳтимоли ҳамлаи низомии Ҳинд наздик аст
Байналмилал
Reuters
Вазири дифои Покистон эълом кард: “Ҳамлаи низомии Ҳинд наздик аст”
Вазири дифои Покистон гуфт, ки пас аз ҳамлаи маргбори шибҳинизомиён ба гардишгарон дар Кашмир дар ҳафтаи гузашта, ҳамлаи низомии Ҳинд ба Покистон наздик аст, зеро танишҳо байни ин ду кишвари мусаллаҳ ба силоҳи атомӣ, афзоиш ёфтааст.
Ба гузориши Reuters, Хоҷа Муҳаммад Осиф, вазири дифои Покистон, дар мусоҳибае дар дафтари худ дар Исломобод, ба Reuters гуфт: “Мо нерӯҳои худро тақвият кардаем, зеро ин чизе аст, ки акнун қарибулвуқӯъ аст. Бинобар ин дар чунин шароите бояд тасмимоти стратегӣ гирифта шавад ва ин тасмимот гирифта шудааст.”
Ин ҳамлаи шибҳинизомиён 26 кушта бар ҷой гузошт ва хашми Ҳиндро барангехт ва дархостҳое барои иқдом алайҳи Покистонро барангехт. Ҳинд Покистонро ба ҳимоят аз шибҳинизомиён дар Кашмир муттаҳам мекунад; минтақае, ки ҳам иддаои моликияти онро дорад ва ҳам ду ҷанг бар сари он анҷом шудааст.
Осиф гуфт, ки лаффозиҳои Ҳинд дар ҳоли афзоиш аст ва артиши Покистон давлатро дар мавриди эҳтимоли ҳамлаи Ҳинд огоҳ кардааст. Ӯ ҷузъиёти бештаре дар мавриди қарибулвуқӯъ будани ҳамлаи Ҳинд ироа накард.
Пас аз ҳамлаи Кашмир, Ҳинд ду шибҳинизомии мазнунро ба унвони покистонӣ шиносоӣ кард. Исломобод ҳар гуна нақшеро дар ин моҷаро рад карда ва хостори таҳқиқоти бетарафона шудааст.
Reuters
Қаламонлайн
