Парҳез аз суханони бефоида
* Бишр ибни Ҳорис гӯяд: ду сифат мардумро ҳалок карда: ғайбат ва худписандӣ.
* Афлотун гӯяд: нодон душмани хеш аст, чӣ гуна дӯсти дигарон мешавад? Он ки ҳимматаш шикам аст, қиматаш фаровардаи он аст.
* Аз Дюжан (Diogenes), файласуф ва ҳакими юнонӣ пурсиданд: кадомин сифат саранҷомаш беҳтар аст? Гуфт: имон ба Худо ва некӣ ба падару модар.
* Буқрот гӯяд: фурӯмоягии шахс аз ду чиз равшан мешавад: беҳуда сухан гуфтан ва напурсида ҷавоб додан.
* Ҳукамо гуфтаанд:
* Аз суханони бефоида бипарҳез, ки айбҳои махфиро ошкор мекунад ва душманиҳои хуфтаро бедор.
* Ҳар кӣ дар гуфтор зиёдаравӣ кунад, билағзад, ва ҳар кӣ дигаронро ҳақир шуморад, хор шавад.
* Нишонаи ақл гуфтори кам ва далели фазилат ҳилму ҳавсалаи зиёд аст.
Манбаъ: Насоеҳ
Қаламонлайн
Паёмҳо, хабарҳо ва таҳлилҳои моро дар Телегром пайгирӣ кунед:
