Пойгоҳи низомии амрикоӣ дар Ироқ мавриди ҳамалот қарор гирифт

Ду паҳподи мусаллаҳ пойгоҳи омрикоии ҳавоии Айнуласад дар Ироқро ҳадаф қарор доданд. Радиои Садои Омрико ба нақл аз Reuters гузориш дод, ин ҳамлаи паҳподӣ талафот ё хасорате надошт.

Ба гузориши ин расона, ҳамалот ба нерӯҳои омрикоӣ дар Ховари Миёна дар пайи ҷанги Исроил ва Ҳамос афзоиш ёфта ва хатари густариши даргирӣ дар минтақаро бештар кардааст.

Тибқи ин гузориш, Пентогун эълом кард, ки нерӯҳои омрикоӣ дастикам 23 бор дар Ироқ ва Сурия ҳадафи ҳамалоти рокетӣ ва паҳподӣ қарор гирифтаанд.