Таслими Исроил дар баробари шартҳои муқовамат

Пойгоҳи Ашшарқ ал-авсат ба нақл аз як манбаъи мутталеъ аз ҷараёни музокироти табодули асирон ва оташбас, ҷузъиёте аз шакли ислоҳшудаи пешниҳоди Мисрро мунташир кард, ки ҳадафи он, дастёбӣ ба оташбаси ҷомеъ пас аз иҷрои як тарҳи 3 марҳилаӣ аст. Дар ҳамин ҳол, шабака 13 телевизиони режими саҳюнистӣ низ аз тарҳи ҷадиди ин режим барои мубодилаи асирон хабар дод.

Дар ҳоле, ки шабакаи 13 телевизиони режими саҳюнистӣ эълом кард, ки артиши режими саҳюнистӣ бо ақибнишинӣ аз манотиқи маскунӣ дар навори Ғазза ва интиқоли ғайринизомиён аз ҷануб ба шимоли ин борика дар муқобили мубодилаи асирон мувофиқат кардааст, пойгоҳи Ашшарқ ал-авсат ба нақл аз як манбаъи огоҳ аз ҷараёни музокироти табодули асирон ва оташбас байни режими саҳюнистӣ ва ҷунбиши Ҳамос, эълом кард, ки ҷузъиёте аз шакли ислоҳшудаи пешниҳоди Мисрро иблоғ кард, ки ҳадафи он, дастёбӣ ба оташбаси ҷомеъ пас аз иҷрои як тарҳи 3 марҳилаӣ аст.

Бино бар ин гузориш, нусхаи аввалии тарҳи Миср, ба хотири мухолифати Ташкилоти худгардони Фаластин, ислоҳ шудааст, зеро дар нусхаи аввалӣ ташкили як давлати текнукрот қайд шуда буд.

Ашшарқ ал-авсат муддаӣ шуд, ки шакли ислоҳшудаи тарҳи Миср дар марҳилаи аввал шомили як оташбаси башардӯстонаи 10 рӯза мешавад, ки тайи он, Ҳамос ҳамаи асирони ғайринизомӣ назди худ аз ҷумла кӯдакон, занон ва солмандонро дар муқобили озодии теъдоде аз асирони фаластинӣ дар зиндонҳои режими саҳюнистӣ озод хоҳад кард.

Ҳамчунин марҳилаи аввал шомили оташбаси саросарӣ дар навори Ғазза аз сӯйи ҳар ду тараф аст, машрут бар ин ки нерӯҳои исроилӣ дар берун аз манотиқи маскунӣ мустақар шаванд ва иҷозаи тараддуди шаҳрвандон аз ҷануби навори Ғазза ба шимоли он аз ҷумла убуру мурури худравҳоро бидиҳад.

Манбаъ ҳамчунин муддаӣ шуд, ки бар асоси ин тарҳ, парвозҳои ҳавоии режими саҳюнистӣ аз ҷумла парвози паҳподҳо ва ҳавопаймоҳои шиносоӣ дар Ғазза мутаваққиф шуда ва ҳамзамон ироаи кӯмакҳои башардӯстона ва имдодӣ аз ҷумла ба манотиқи шимоли навори Ғазза афзоиш меёбад.

Ин манбаъ дар идома гуфт, ки марҳилаи дуввуми тарҳ шомили озодии тамоми сарбозони зани боздоштшуда тавассути Ҳамос дар муқобили озодии шуморе аз асирони фаластинӣ назди режими саҳюнистӣ аст.

Бино бар иддаои ин манбаъ, ҳамчунин марҳилаи севвуми ин тарҳ шомили музокироте ба муддати як моҳ дар мавриди озодии тамоми сарбозони боздоштшуда тавассути ҷунбиши Ҳамос дар изои озодии теъдоде аз асирони фаластинӣ назди режими саҳюнистӣ хоҳад буд.

Ин манбаъ ҳамчунин дар хусуси омилҳои таъйинкунандаи иҷрои ин пешниҳод муддаӣ шудааст, ки ин тарҳ шомили як оташбаси 48 соата қабл аз шурӯъи иҷрои он мешавад, то фурсате барои тавофуқ бар сари эъломи номи асирони озодшуда дар фози аввал ва дуввум байни режими саҳюнистӣ ва Ҳамос аз тариқи музокироти ғайримустақим дар Миср вуҷуд дошта бошад.

Гуфтанист, ин тарҳи ислоҳшудаи Мисрро низ муқовамат рад карда ва гуфтааст, то вақте оташбаси доим эълон нашавад, ҳарфе аз табодули асирон нахоҳад буд.