Эрдуғон: Опозисиюн ҳамаро кӯру кару аҳмақ мепиндорад
Ахбори байналмилал
Аввалин вокуниши Эрдуғон ба эътирозот дар Туркия: “Опозисиюн ҳамаро кӯру кару аҳмақ мепиндорад ва дурӯғ гуфтанро сиёсат медонанд”
Раҷаб Тайиб Эрдуғон, раиси ҷумҳури Туркия, дар барномаи ифтори рӯзи панҷшанбе, барои аввалин бор ба вақойеи ахир вокуниш нишон дод.
Вай бо таъкид бар ин ки вақти ин намоишҳоро надорад гуфт: “Бо хато наметавон аз хато дифоъ кард. Опозисиюн ҳамаро кӯру кару аҳмақ мепиндорад ва дурӯғ гуфтанро сиёсат медонанд.”
Эрдуғон гуфт: “Мухолифон таъодулашонро аз даст додаанд ва бо расонаҳояшон қувваи қазоия, қозиҳо ва додситонро таҳдид мекунанд.”
Раиси ҷумҳури Туркия афзуд: “Равиши муқобила бо иттиҳомот, истидлоли қонунӣ ва мубоҳиса аст, аммо ин корро намекунанд, чун медонанд иттиҳомот воқеӣ аст.”
Вай ҳамчунин гуфт: “Мо дар давлат вақте барои талаф кардан дар бораи ин мавзӯъ ва об дар ҳован кӯбидан надорем.”
Гуфтанист, Акрам Имомуғлу, шаҳрдори Истамбул ва муҳимтарин рақиби раиси ҷумҳури феълии Туркия, Раҷаб Тайиб Эрдуғон субҳи рӯзи чаҳоршанбе пас аз бозрасии манзилаш ба иттиҳоми фасод ва иртибот бо теруризм боздошт шуд. Тибқи эъломи Додситонии Истамбул, Имомуғлу барои бозпурсӣ то якшанбе дар боздошт хоҳад буд.
Дар шабҳои гузашта Истамбул шоҳиди тазоҳуротҳо ва таҷаммӯъот дар эътироз ба боздошти шаҳрдори Истамбул Акрам Имомуғлу буд ва мӯътаризон дар муқобили шаҳрдории Истамбул таҷаммӯъ карданд.
Ҳаводорони Имомуғлу қасд доранд тайи ин рӯзҳо дар марокизи шаҳрҳои бузург занҷираҳои инсонӣ ташкил дода ва роҳпаймоӣ кунанд.
Қаламонлайн
