Мавзеи вазири хориҷаи Уммон дар бораи даври баъдии музокирот
Ахбори байналмилал
Дар ҳоле, ки музокироти Эрон ва Омрико дар Масқат бо тафоҳуми тарафайн барои идомаи гуфтугӯҳо хотима ёфт, вазири хориҷаи Уммон бар вуҷуди фазои музокироти ҷиддӣ дар Масқат таъкид кард.
Ба гузориши Тобнок, Бадр Бӯсаидӣ, вазири хориҷаи Уммон, дар конфронси хабарӣ дар поёни музокироти имрӯз (ҷумъа) дар Масқат гуфт: “Музокироти бисёр ҷиддӣ дар Масқат барои миёнҷигарӣ байни Теҳрон ва Вошингтун баргузор шуд”.
Вазири умури хориҷаи Уммон бо баёни ин ки ҳадафи мо баргузории муҷаддади музокирот байни Теҳрон ва Вошингтун дар замони муносиб аст, таъкид кард: “Равшан шудани дидгоҳҳои Эрон ва Омрико ва шиносоии заминаҳои пешрафти эҳтимолӣ муфид буд”.
Вазири уммонӣ тасреҳ кард: “Ҷаласаи дигаре дар замони муносиб баргузор хоҳад шуд ва натоиҷи ҷаласаи имрӯз ба диққат дар Теҳрон ва Вошингтун баррасӣ хоҳад шуд”.
Ин дар ҳолест, ки Сайидаббос Ироқчӣ, вазири хориҷаи Эрон низ дар поёни музокироти имрӯз гуфт: “Музокирот аз соати 10 субҳ оғоз шуд ва то наздикии соати 18 идома дошт ва тайи он ҷаласоти мутааддиде ба сурати ғайримустақим баргузор шуд. Оқои Бадр Бусаидӣ, вазири хориҷаи Уммон нақши фаъоле дар мизбонӣ ва интиқоли паёмҳо ва дидгоҳҳои ду тараф ифо карда ва чандин даври табодули назар миёни тарафайн анҷом шудааст”.
Вазири умури хориҷаи Эрон афзуд, ки дар ин гуфтугӯҳо “пас аз як давраи тӯлонии вақфа, мавозеъ ва нигарониҳои Эрон ба таври комил мунтақил шуд ва манофеъ ва ҳуқуқи мардуми Эрон мавриди таъкид қарор гирифт. Ҳамчунин дидгоҳҳои тарафи муқобил шунида шуд”.
tabnak.ir
Қаламонлайн
qalamonline.net
