Сутуни панҷумиҳоро ба саф кардаанд
Ёддошти Ҳусайни Шариатмадорӣ, сардабири рӯзномаи Кайҳон
1 – Нигорандаи ин сутур аз тафсири Қуръон чизе намедонад ва барои ин манзур ба китобҳои тафсир, ки биҳамдиллоҳ барои ҳамагон дар дастрас аст муроҷеа мекунад, вале илова бар маонӣ ва мафоҳими амиқи оёт, ки кашфи он вазифаи олимони жарфандеш аст, зоҳири оёт низ санад ва ҳуҷҷат аст ва барои истифода аз уқёнуси бекарони маорифи илоҳӣ, ки дар китоби Худо омадааст, роҳнамо ва гиреҳгушост. Ба унвони мисол, ин оят чанд бор дар сураи Қамар такрор ва бар он таъкид шудааст:
وَلَقَدْ يَسَّرْنَا الْقُرْآنَ لِلذِّكْرِ فَهَلْ مِنْ مُدَّكِر
“Ва мо Қуръонро барои панд гирифтан ва дарсомӯзии осон қарор додаем, оё касе ҳаст, ки мутазаккир шавад!”
Истинод ба оёти сураи Аҳзоб, ки дар ёддошти пеши рӯй омадааст, аз ин зовия аст.
2 – Ба ин оёт аз сураи Аҳзоб нигоҳ кунед:
إِذْ جَاءُوكُمْ مِنْ فَوْقِكُمْ وَمِنْ أَسْفَلَ مِنْكُمْ وَإِذْ زَاغَتِ الْأَبْصَارُ وَبَلَغَتِ الْقُلُوبُ الْحَنَاجِرَ وَتَظُنُّونَ بِاللَّهِ الظُّنُونَا
“Ёд оваред замонеро, ки (душманон) аз боло ва аз пойин (лашкаргоҳ)-атон ба сӯятон омаданд ва он гоҳ, ки дидаҳо (аз шиддати тарс) хира шуд ва ҷонҳо ба гулӯ расид ва ба Худо гумонҳои нораво мебурдед –
هُنَالِكَ ابْتُلِيَ الْمُؤْمِنُونَ وَزُلْزِلُوا زِلْزَالًا شَدِيدًا
– он ҷо буд, ки мӯъминон мавриди озмоиш қарор гирифтанд ва ба ларзиш ва изтиробе сахт дучор шуданд –
وَإِذْ يَقُولُ الْمُنَافِقُونَ وَالَّذِينَ فِي قُلُوبِهِمْ مَرَضٌ مَا وَعَدَنَا اللهُ وَرَسُولُهُ إِلَّا غُرُورًا
– ва он гоҳ, ки мунофиқон ва онон, ки дар дилҳояшон беморӣ (заъфи имон) буд, мегуфтанд: Худо ва паёмбараш ҷуз ба фиреб, моро ваъда надодаанд.” (Аҳзоб/10-12)
3 – Ҳоло хуб ба атрофатон нигоҳ кунед! Оё шуморе аз ғарбгароёни дорои ҳизбу дастакро намебинед, ки дар муқобили таҳдиди Омрико ба ваҳшат афтода ва монанди мунофиқин ва сустимонҳое, ки дар оёти фавқ аз онҳо ёд шудааст, мабонӣ ва усулро нафй мекунанд ва пешниҳоди таслим ва ба таъбири худашон “тағйири породойм” яъне даст кашидан аз мабонии низом (бихонед ислом)-ро медиҳанд?!
Ва ё он франкмасоне, ки дар фитнаи 88 бо мудирияти Омрико ва Исроил ба кор гирифта шуда буд-ро намебинед, ки баёнияи таслим мунташир мекунад?!
Оё ҳеч вожае ҷуз “сутуни панҷум”-и душман, метавонад нишондиҳандаи ҳувияти воқеии онҳо бошад?! Тромп ва бархе дигар аз мақомоти омрикоӣ ва урупоӣ эътироф доранд, ки ирсоли нови ҳавопаймобари Оброҳом Линкол ба дарёи Уммон ва раҷазхониҳо, барои тарсондани Эрон аст ва ин ҷамоат дақиқан ҳамон забони Тромп ва Натонёҳуро ба ком гирифтаанд.
4 – Ҳоло ба вокуниш ва бархӯрди мӯъминон бо таҳдиди душман, ки дар идомаи ҳамон оёти сураи муборакаи Аҳзоб омадааст, нигоҳ кунед!
وَلَمَّا رَأَى الْمُؤْمِنُونَ الْأَحْزَابَ قَالُوا هذَا مَا وَعَدَنَااللهُ وَرَسُولُهُ وَصَدَقَ اللهُ وَرَسُولُهُ وَمَا زَادَهُمْ إِلَّا إِيمَانًا وَتَسْلِيمًا
“Ва ҳангоме, ки мӯъминон (дар набарди Хандақ) гурӯҳҳои душманро диданд, гуфтанд: ин ҳамон аст, ки Худо ва паёмбараш ба мо ваъда додаанд ва Худо ва паёмбараш рост гуфтаанд ва ҷуз бар имон ва таслими онон афзуда нашуд.” (Аҳзоб/22)
Оё ҷамъияти мӯъминоне, ки Худованди Таборак ва Таъоло дар ин оят аз онҳо ёд фармудааст, ҳамон тӯдаҳои азими мардуми Эрон нестанд, ки дар ҷанги 12-рӯза бо инсиҷоми мисолзадании худ ва дар ҳамосаи 22 деймоҳ бо ҳузури ҳамосӣ ва чанд даҳ миллионии худ, ба Омрико ва режими саҳюнистӣ силии ҷононае заданд?
Ва ба забони дигар ва гуётар, ҳамон аъзои покбохтаи Сипоҳи Посдорони Инқилоби Исломӣ нестанд, ки Иттиҳодияи таҳқиршудаи Урупо бо дастури дикташудаи Омрико ва режими саҳюнистӣ, ононро созмони теруристӣ номидааст?!
5 – Шинохти душман ба маъно ва мафҳуми ин ки душман кист кофӣ нест. Бояд истротежӣ (ҳадафи ниҳоии душман), токтикҳо (роҳкорҳои мавриди истифодаи душман) ва сутуни панҷум (авомилу ҷараёноти ҳамсӯ бо душман дар ҷабҳаи худӣ)-ро ҳам шинохт. Сутуни панҷум забони душманро ба ком мегирад ва хостаҳои душманро дунбол мекунад. Боз ҳам дар китоби Худо хитоб ба паёмбари аъзам (с) омадааст:
وَلَوْ نَشَاءُ لَأَرَيْنَاكَهُمْ فَلَعَرَفْتَهُمْ بِسِيمَاهُمْ وَلَتَعْرِفَنَّهُمْ فِي لَحْنِ الْقَوْلِ وَاللهُ يَعْلَمُ أَعْمَالَكُمْ
“Ва агар бихоҳем, яқинан ононро ба ту нишон медиҳем, то ононро аз чеҳраҳояшон бишносӣ, (вале чунин накардаем, аммо) ононро аз шеваи сухан гуфтан хоҳӣ шинохт; ва Худо корҳои шуморо медонад”.
Ба баёни дигар, сутуни панҷумро аз мавозеъ, амалкард ва суханоне, ки ҳамсӯ бо хостаҳои эъломшудаи душман бар забон ва қалам дорад метавон шинохт.
6 – Ҳоло ба изҳороти Тромп, Натонёҳу, мақомоти расмии Омрико ва режими саҳюнистӣ, Иттиҳодияи Урупо ва … алайҳи Ҷумҳурии Исломии Эрон ва дар ҳимоят аз подуҳои теруристи Омрико ва Исроил ва таҳдиди Эрони Исломӣ, нигоҳе биандозед ва матну муҳтавои онҳоро бо баёнияҳои ахири Мӯсавӣ, Каррубӣ ва бархе аз муддаиёни ислоҳот муқоиса кунед!
Оё камтарин тафовуте мебинед?! Мумкин аст ин суол ба зеҳн хутур кунад, ки магар афроди беҳувияте назири Мирҳусайни Мӯсавӣ ва Каррубӣ ва бархе аз ғарбгароён ва .., ки борҳо ба косалесии Ғарб ва душманӣ бо мардуми ин марзу бум шинохта шудаанд, ададе ҳастанд, ки нақши онҳо дар қолаби сутуни панҷуми душман, қобили матраҳ шудан бошад?!
Посух он аст, ки сутуни панҷум, бо маъмуриятҳои мутафовит ба майдон фиристода мешавад. Яке аз роиҷтарин маъмуриятҳои сутуни панҷум, ба ком гирифтани забони душман аст ва душман бо бузургнамоии изҳороти онҳо, талош мекунад, то онро ба унвони назари бахши қобили таваҷҷӯҳе аз мардум қаламдод кунад.
Қаламонлайн
qalamonline.net
