Бенасаб чӣ донад аз қадри ватан?
Луқмон Бойматов
Ҳaкиме ба мардумаш фармуд:
– Мағзи ҳикмати шикастхӯрдагони таърихи ниёконатонро дарёбед, ки нағз омадааст:
– Худписандии шаҳриёрон бузургтарин иллати бадбахтиҳои миллатҳо ва нобудии давлатҳои аҷдод шудааст.
– Ҳеҷ чизе ба андозаи ғурури шоҳони бехирад бунёни ҷомеъа ва ниҳоди миллатҳоро вайрон накардааст.
– Огоҳ бошед, ки пешвоёни худбину безот сабаби ҷудоӣ ва нифоқи одамон мешаванд, чаро ки фарди беасл ҳамватанони хешро ҳамеша бегона мепиндорад.
– Танҳо бегонагонанд, ки хоинонро пазиро мешаванд ва фақат миллати ноогоҳ аст, ки шарбати талхи бадбахтиҳоро худ бар гулӯи тақдираш мерезад…
(Луқмон Бойматов; панде аз маҷмӯаи “Писари Замон”)
Сомонаи фарҳангӣ-иҷтимоии Қаламонлайн
