Тақдири Ироқчӣ аз мавзеи давлат ва миллати Тоҷикистон
Тақдиру ташаккури Ироқчӣ аз мавзеи давлат ва миллати Тоҷикистон дар гуфтугӯи телефонӣ бо Сирҷиддин Муҳриддин
Ахбори байналмилал
Сайидаббоси Ироқчӣ, вазири хориҷаи Эрон дар гуфтугӯи телефонӣ бо вазири умури хориҷаи Тоҷикистон, маротиби тақдир ва ташаккури худро аз давлат ва миллати Тоҷикистон дар маҳкум кардани таҷовузоти режими саҳюнистӣ иброз дошт.
Ба гузориши Ирно, Сироҷиддин Муҳриддин, вазири умури хориҷаи Тоҷикистон, дар ин гуфтугӯи телефонӣ, муҷаддадан таҷовузи низомии режими саҳюнистӣ ва Омрико алайҳи Эронро, ки ноқизи усул ва қоидаҳои бунёдини Маншури Милали Муттаҳид ва ҳуқуқи байналмилал аст, маҳкум кард ва маротиби таслият ва ҳамдардии худ ва миллати Тоҷикистонро бо миллат ва давлати Эрон иброз дошт.
Сироҷиддин Муҳруддин афзуд: “Давлати Тоҷикистон дар маҳофили байналмилалӣ ва таомулоти дуҷониба бо соири кишварҳо, ин ҳамалоти ғайриқонуниро маҳкум карда ва бовар дорад, миллати бузург ва хирадманди Эрон ин давраро низ бо иқтидор пушти сар хоҳанд гузошт”.
Сайидаббоси Ироқчӣ бо тақдир аз мавозеи давлати Тоҷикистон дар маҳкум кардани таҷовузи режими саҳюнистӣ ва Омрико алайҳи Эрон, мавзеи якпорча ва воҳиди кишварҳои минтақа ва исломӣ дар маҳкум кардани таҷовузи режими саҳюнистӣ ва Омрико алайҳи Эронро нишонаи дарки муштараки бахши бузурге аз ҷомеаи ҷаҳонӣ нисбат ба хатароти мутараттиб бар қонуншикании режими Исроил донист ва масъулияти Шӯрои Амнияти Созмони Милал, Ожонси Байналмилалии Энержии Атомӣ ва соири ниҳодҳои зирабти байналмилалӣ барои муохаза ва посухгӯ кардани режими наслкуш дар қиболи нақзҳои фоҳиши ҳуқуқи байналмилалро ёдовар шуд.
Irna
Қаламонлайн
