Теҳрон; рӯнамоӣ аз мушаки Хайбаршикан-2
Ахбори байнамилал
Рӯнамоӣ аз мушаки ҷадиди дурбурди «Хайбаршикан-2» ҳамзамон бо 47-умин солгарди пирӯзии Инқилоби Исломии Эрон
Ҳамзамон бо таҷлили 47-умин солгарди пирӯзии Инқилоби Исломии Эрон, аз мушаки ҷадиди дурбурд ба номи «Хайбаршикан-2» расман рӯнамоӣ шуд.
Ба иттилои манобеи расмӣ, ин мушак аз силсилаи мушакҳои болистикии навтарин буда, бо ҳадафи таҳкими иқтидори мудофиавии кишвар тарҳрезӣ ва сохта шудааст. Масъулон зимни маросими рӯнамоӣ таъкид карданд, ки «Хайбаршикан-2» бо истифода аз фанновариҳои пешрафта муҷаҳҳаз гардида, аз диққат ва манёврпазирии бештаре бархурдор аст.
Гуфта мешавад, ки ин мушак метавонад дар чаҳорчӯби роҳбурди боздорандагии Ҷумҳурии Исломии Эрон нақши муҳим бозад. Мақомот таъкид намудаанд, ки барномаҳои дифоии кишвар моҳияти мудофиавӣ дошта, алайҳи ҳеҷ кишвари дигар равона нестанд.
Маросими рӯнамоӣ дар ҳоле баргузор гардид, ки дар саросари Эрон бахшида ба солгарди пирӯзии Инқилоби Исломӣ чорабиниҳои идона ва расмӣ доир шуданд.
