Марди нодон ва байтор
Ҳикоёти Гулистон
Ҳикояти марди нодон ва байтор
Марди нодоне чашмдард гирифт. Барои дармон пеши байтор (домпизишк, табиби ҳайвонот) рафт.
Байтор доруеро, ки барои дармони чаҳорпоён истифода мекард, ба чашмони он мард рехт. Мард кӯр шуд.
Он мард аз дасти байтор назди қозии шаҳр шикоят кард, ки ин шахс, чизеро, ки дар чашми чаҳорпоён мерехтанд, дар чашмони ман рехт ва ман кӯр шудам.
Қозӣ гуфт: Байтор гуноҳе надорад. Чунки агар ту хар набудӣ, барои муолиҷа назди байтор намерафтӣ ва пеши табиби кордоне мерафтӣ.
Надиҳад ҳушманди рӯшанрой
Ба фурумоя, корҳои хатир
Бӯрёбоф агарчӣ бофанда аст
Набарандаш ба коргоҳи ҳарир.
(Гулистони Саъдӣ, боби ҳафтӯм, “Дар таъсири тарбият”, соданависии ҳикояти чаҳордаҳӯм).
Қаламонлайн
