Посухи Абдулборӣ Атвон ба иддаои “спектакл” будани ҳамлаи Эрон ба Исроил
Сардабири рӯзномаи “Раъюл-явм” дар ёддоште навишт, ки бархе, ки муқовамати фаластиниҳо дар Ғаззаро бовар намекарданд, акнун низ наметавонанд ҳамлаи бесобиқаи Эрон ба Исроилро бовар кунанд.
Абдулборӣ Атвон, рӯзноманигори маъруфи фаластинӣ, дар ёддоште, хитоб ба ҷараёни расонаии созишталаб дар минтақа навишт, ки Эрон ба ваъдаи худ дар посух ба Исроил амал кард ва ин дар ҳоле буд, ки ҷараёни мазкур ҳамвора тақобули Ҷумҳурии Исломии Эрон ва режими Исроилро “намоишӣ” (спектакл) унвон мекард. Ӯ навишт:
“Касоне, ки ҳамвора мӯъҷизоти муқовамати фаластинӣ дар чорчӯби амалиёти “Тӯфон ал-Ақсо”- ро бо гузашти 7 моҳ аз он рад мекарданд ва мекунанд, ҳамон касоне ҳастанд, ки дар пирӯзии Эрон дар ҳамлаи таърихии шомгоҳи шанбе шак мекунанд; ҳамлае, ки бо 360 мушак ва паҳпод ду пойгоҳи ҳавоӣ дар минтақаи Нақабро дар Фаластини ишғолӣ ҳадаф қарор дод.”
Атвон афзуд: “Борҳо тавзеҳ додаем, ки онҳо ҳамон касоне ҳастанд, ки мегуфтанд: Исроил як кишвари бузурги минтақаӣ аст, ки ба зудӣ ҷунбишҳои муқовиматро дарҳам мешиканад ва дар арзи ду ҳафта контроли Ғаззаро ба даст мегирад; ҳамонҳо дар ҳаҷми густурдае дар шабакаҳои иҷтимоӣ дар хусуси посухи Эрон ба ҳамлаи Исроил ба консулгариаш дар Димишқ, ки мӯҷиби шаҳодати ҳафт женероли эронӣ аз ҷумла шаҳид Муҳаммадризо Зоҳидӣ шуд ва суханони раҳбари Эрон, Сайид Алии Хоманаӣ, ки гуфт: исроилиҳо пушаймон хоҳанд шуд, ибрози шак мекарданд.”
Атвон таъкид кард: “Акнун ҳамин афрод дар ивази эътироф ба иштибоҳи худ, ҳамчунон аз рӯйи ғурур рӯйи мавозеъи худ истодаанд ва мегӯянд, ки посухи Эрон “намоишӣ” (спектакл) ва нишон аз тавофуқи маҳрамонаи Эрон ва Омрико дорад, чаро ки ин ҳамла ҳатто мӯҷиби кушта шудани як исроилӣ низ нашуд, ҳатто бархе поро фаротар гузошта ва мегӯянд, ки ин ҳамла тавтиае барои сарпӯш гузоштан ба ҷиноёти Исроил дар Ғазза буд, то бори дигар афкори умумӣ пушти сари Исроил қарор гирад.”
Сардабири “Раъюл-явм” дар посух ба ин афрод навишт: “Ибтидо ба суханони мақомоти эронӣ бозмегардем, ки гуфта буданд: ин ҳамла посухи талофиҷӯёна ба ҳамлаи Исроил ба консулгарии Эрон буд ва на барои озодии Фаластин ё вуруд ба ҷанги густурда бо Исроил ва бинобар ин ин ҳамла ба аҳдофи худ расид ва поён ёфт, магар ин ки Исроил иқдом ба ҳамлаи мутаҷовизонаи дигаре бикунад.”
Атвон афзуд: “Иттилоъи Эрон ба Омрико дар хусуси замони ҳамла, ҳатто агар дуруст бошад, ба гуфтаи коршиносони низомии ғарбӣ, ба маънои ҳамроҳӣ нест, балки нишон аз эътимод ба нафс ва адами тарс аз режими ишғолгар ва Омрико ба унвони ҳомиаш дорад; Омрикое, ки ба суръат эълом кард, дар ҳамлаи интиқомии Исроил ба Эрон, ба ҳеч ваҷҳ мушорикат намекунад, чаро ки намехоҳад дар доми Исроил афтода ва вориди як ҷанги минтақаии вайронгар шавад, бахусус ин ки дар Укройн низ мутаҳаммили хисороти зиёде шуда ва эҳтимоли даргирӣ бо Чин низ афзоиш ёфтааст.”
Ин рӯзноманигори шаҳири фаластинӣ таъкид кард, ки амалиёти “Тӯфон ал-Ақсо” ба устураи боздорандагии Исроил поён дод, ҳамон тавр, ки амалиёти мушакии Эрон дар Айнуласад ҳайбати Омрико ба унвони як абарқудратро аз байн бурд.
Абдулборӣ Атвон дар посух ба ин ки ҳамлаи Эрон афкори умумии ҷаҳонро бори дигар ба самти ҳимоят аз Исроил савқ медиҳад низ навишт, ки афкори умумии ҷаҳон ба далели наслкушии Исроил дар Ғазза, ки то кунун 34 ҳазор шаҳид, ки аксарашон занон ва кӯдакон ҳастанд, бо Ғазза ибрози ҳамдардӣ мекунад ва бо ҳамлаи Эрон ба Исроил, ин ҳамдардӣ ва ҳамроҳӣ аз байн намеравад, чаро ки дар ҳамлаи Эрон ҳатто як ғайринизомӣ ва ё кӯдаки исроилӣ низ кушта нашуд ва ин нишон аз тафовути асосӣ миёни режими Исроил ба унвони “танҳо демукросӣ ва намояндаи ғарб дар минтақа” бо Эрон дорад.
Ӯ таъкид кард, ки ҳамлаи талофиҷӯёнаи Эрон, муқовимати исломии Фаластин дар Ғаззаро тақвият кард ва зарбаи сангине ба режими ишғолгар ворид кард ва ба Ғазза нишон дод, ки танҳо нест, балки яке аз бузургтарин қудратҳои ҷаҳони ислом пушти ӯ истодааст ва ин ҷуръатро дорад, ки ба режими ишғолгар посух дода ва адабаш кунад.
Сардабири “Раъюл-явм” афзуд: “Ин нуктаро низ набояд фаромӯш кунем, ки тамоми мушакҳо ва силоҳҳое, ки муқовимати исломии Фаластин дар Ғазза истифода мекунад, аз сӯйи Эрон таъмин шудааст ва ҳеч кишвари арабӣ ба нерӯҳои муқовимати Ғазза силоҳ ва ҳатто як гулӯла ҳам надодааст.”
Абдулборӣ Атвон дар бахши поёнии ёддошт худ навишт, ки ин истодагӣ ва муқовимати шуҷоъона дар Ғазза ва ҳамлаи ахири Эрон, ҳамагӣ ба маънои як таҳаввули роҳбурдӣ дар парвандаи даргирии исломӣ ва исроилӣ аст ва тамоми муодилотро барои аввалин бор дар таърихи 75-солаи ишғолгарӣ ва зиллат ва хории арабӣ, тағйир дод.
Ӯ дар интиҳо навишт: “Ҳар гуна посухи низомии Исроил ба ҳамла Эрон, оғозе бар поёни режими ишғолгар аст ва ғофилгириҳои бузурге дар интизори Натонёҳу ва шаҳракнишинон хоҳад буд ва посухи Эрон ба маротиб қавитар аз ҳамлаи талофиҷӯёнаи аввалӣ аст.”
Қаламонлайн
Паёмҳо, хабарҳо ва таҳлилҳои моро дар Телегром пайгирӣ кунед:
