Артиши Яман: “Бо 18 мушак ва паҳпод, нови омрикоиро ҳадаф қарор додем”
Ахбори байналмилал
Almayadeen
Дар посух ба ҳамалоти шаби гузаштаи Омрико ба устонҳои мухталифи Яман, нерӯҳои мусаллаҳи ин кишвар, бо партоби 18 мушак ва паҳпод, нови омрикоиро ҳадаф қарор доданд.
Ба гузориши Алмаёдин, сартип Яҳё Сареъ, сухангӯи нерӯҳои мусаллаҳи Яман, соате пеш хабар дод, ки Омрико дар соатҳои гузашта, беш аз 47 ҳамлаи ҳавоӣ ба хоки Яман анҷом додааст.
Сареъ бо баёни ин ки ин ҳамалот, манотиқи мухталиферо дар устонҳои Санъо, Саъда, Албайзо, Ҳиҷҷа, Зимор , Маъриб ва Алҷавфро ҳадаф қарор дод, гуфт: “Дар пайи ин ҳамалоти Омрико, даҳҳо нафар шаҳид ва захмӣ шуданд.”
Гуфтанист, дар бомдоди имрӯз, чандин нуқта дар устони Санъо ва Саъда ҳадафи бомбборони ҳавоии ҳавопаймоҳои ҷангии омрикоӣ қарор гирифт ва бар асари он, шумори зиёде шаҳид ва маҷрӯҳ шуданд.
Давлати Яман бомдоди имрӯз ба сароҳат эълом кард, ки иддаои Омрико мабнӣ бар ҳамла ба марокизи низомӣ, дурӯғи маҳз аст ва манотиқи маскунӣ ҳадафи ин ҳамалот қарор гирифтааст ва тасовири мунташиршуда аз маҷрӯҳон ва шуҳадои ин таҷовуз, сиҳҳати ин амрро нишон медиҳад.
Вазорати дифои Омрико ҳам дар баёнияе иддао кард, амалиёт алайҳи Яман замоне поён хоҳад ёфт, ки “Ҳусиҳо ӯҳдадор шаванд ҳамла ба киштиҳои Омрико ва ба хатар андохтани ҷони омрикоиҳоро мутаваққиф кунанд.”
Вазири дифои Омрико низ аз Эрон хост, ҳимояти худ аз Ҳусиҳоро мутаваққиф кунад.
Вай дар мусоҳиба бо ABC гуфт, ки Эрон бояд ба вузуҳ паёми раиси ҷумҳури Омрикоро дарк кунад ва Омрико мумкин аст дороиҳои Эронро, ки дар иртибот бо ҳимоят аз Ҳусиҳо бошад ҳадаф қарор диҳад.
Яҳё Сареъ дар идома хабар дод, ки нерӯҳои мусаллаҳи Яман дар посух ба ин ҳамалот, нови ҳавопаймобари USS Harry Truman-ро дар шимоли баҳри Сурх, бо 18 мушак ва паҳпод ҳадаф қарор доданд.
Вай ба Омрико ҳушдор дод: “Нерӯҳои мусаллаҳи Яман дар ҳамла ба ҳамаи таҷҳизоти ҷангии Омрико дар баҳри Сурх ва Араб тардид нахоҳад кард ва то вуруди кӯмакҳои инсонӣ ба Ғазза, ба муҳосираи дарёии душмани исроилӣ идома хоҳад дод.”
Сухангӯи нерӯҳои мусаллаҳи Яман дар поён таъкид кард, ки ҳамалоти Омрико, фақат бар истодагӣ, имон ва поймардии миллати Яман хоҳад афзуд.
Almayadeen
Қаламонлайн
